బాహుబలి సినిమాతో వరల్డ్ స్టార్‌గా మారిపోయిన ప్రభాస్ ప్రస్తుతం సాహో సినిమా షూటింగ్‌లో బిజీ బిజీగా వున్నాడు. ఈ సినిమా షూటింగ్ ఇటీవలే దుబాయ్‌లో జరిగింది. ఈ సినిమా షూటింగ్ భారీ ఖర్చుతో జరిగిందని.. ఈ సినిమా యాక్షన్ సీన్స్ కోసం హాలీవుడ్ ప్రముఖులు బరిలోకి దిగారని టాక్ వచ్చింది.
ఈ టాక్‌ను నిజం చేసేలా.. అక్టోబర్ 23.. ప్రభాస్ పుట్టిన రోజు సందర్భంగా అదిరిపోయే వీడియో.. సాహో టీమ్ నుంచి రిలీజ్ అయ్యింది. ''షేడ్స్ ఆఫ్ సాహో'' పేరుతో ప్రమోషనల్ వీడియోను సినీ యూనిట్ విడుదల చేసింది.
రన్ రాజా రన్ ఫేమ్ సుజిత్ దర్శకత్వంలో తెలుగు, తమిళ, హిందీ భాషల్లో సుమారు రూ.200 కోట్ల భారీ బడ్జెట్‌తో ఈ చిత్రాన్ని రూపొందిస్తున్నారు. ప్రభాస్ ఇమేజ్‌కు తగినట్లు అత్యాధునిక ప్రమాణాలతో ఈ సినిమా తెరకెక్కుతోంది. ఈ సినిమాలో ప్రభాస్ సరసన బాలీవుడ్ సుందరి శ్రద్ధా కపూర్ హీరోయిన్‌గా నటిస్తోంది. శ్రద్ధా కపూర్‌‍తో పాటు మందిరా బేడి, జాకీ ష్రాఫ్, నీల్ నితిన్ ముకేష్ తదితరులు బాలీవుడ్ దిగ్గజాలు ఈ చిత్రంలో నటిస్తున్నారు.
తాజా ''షేడ్స్ ఆఫ్ సాహో'' వీడియోలో యాక్షన్ సన్నివేశాలు హాలీవుడ్ స్థాయిలో వున్నాయి. ప్రముఖ హాలీవుడ్ స్టంట్స్ మాస్టర్ కెన్నీ బటీస్ పలు యాక్షన్ సన్నివేశాలను ప్రభాస్‌పై చిత్రీకరించారు. రియల్ స్టంట్స్‌తో ప్రభాస్ చేసిన ప్రయోగం అదిరిపోయింది. ఈ వీడియోను మీరూ ఓ లుక్కేయండి..