'ఆర్ఆర్ఆర్' తాజా అప్డేట్ : అంచనాలను ఆకాశానికి చేర్చిన ఫస్ట్ గ్లిమ్ప్స్..

దర్శకధీరుడు ఎస్ఎస్ రాజమౌళి తెరకెక్కిస్తున్న చిత్రం ఆర్ఆర్ఆర్. జూనియర్ ఎన్టీఆర్, రామ్ చరణ్‌లు హీరోలుగా నటిస్తుంటే, బాలీవుడ్ స్టార్ హీరో అజయ్ దేవగన్ విలన్‌గా నటిస్తున్నారు. ఈ చిత్రంపై భారీ అంచనాలు నెలకొనివున్నాయి. ఇందులో మన్యం వీరుడు అల్లూరి సీతారామరాజుగా రామ్ చరణ్, గిరిజన వీరుడు కొమురం భీమ్‌గా తారక్ కనిపించనున్నారు. అలియాభట్, ఒలీవియా మొరీస్‌లు హీరోయిన్లు. 

ఈ సినిమా కోసం కేవలం తెలుగు ప్రేక్షకులే కాదు.. యావత్ సునీలవర్స్ అంతా ఆసక్తిగా ఎదురుచూస్తున్నారు. ఈ సినిమాకు సంబంధించిన ఏ చిన్న అప్డేట్ బయటకు వచ్చిన అది క్షణాల్లో వైరల్ గా మారి  సంచలనం సృష్టిస్తున్నాయి. ఇప్పటికే ఈ సినిమానుంచి ఇద్దరు హీరోలకు సంబంధించిన టీజర్స్ విడుదలై భారీ రెస్పాన్స్‌ను సొంతం చేసుకున్నాయి. 

ఈ క్రమంలో తాజాగా 'ఆర్ఆర్ఆర్' నుంచి గ్లిమ్ప్స్‌ను విడుదల చేశారు. ఇద్దరు స్టార్స్‌ను కలిపి ఈ గ్లిమ్ప్స్‌లో చూపించారు. ఇద్దరు హీరోలు తమదైన నటనతో పోటాపోటీగా నటించారు. ఇప్పటికే సినిమా షూటింగ్ వేగంగా జరుగుతోంది. ఈ దసరాకే సినిమాను విడుదల చేయాలని తొలుత భావించినా కొన్ని అనివార్య కారణాలతో సినిమా విడుదలను వచ్చే ఏడాది జనవరి 7కు వాయిదా వేశారు.