హిట్ పెయిర్ విజయ్ దేవరకొండ, రష్మిక మందన్న కలిసి నటిస్తున్న సినిమా డియర్ కామ్రేడ్ షూటింగ్ జరుపుకుంటోంది. ఇటీవలే ఈ సినిమా టీజర్ విడుదలైంది. అయితే టీజర్‌లో సగభాగం విజయ్, రష్మిక మధ్య లిప్ లాక్ సన్నివేశమే ఉంది. అయితే గీత గోవిందం తర్వాత వీరి కాంబినేషన్‌లో ఇది రెండో లిప్ లాక్ సన్నివేశం. అయితే ఈ ముద్దు సన్నివేశం వల్ల రష్మిక సోషల్ మీడియాలో ట్రోలింగ్స్ ఎదుర్కొంటోంది.
డియర్ కామ్రేడ్ టీజర్‌ను రష్మిక స్వంత రాష్ట్రం కర్ణాటకలో కూడా రిలీజ్ చేసారు. దీనితో ఈ ముద్దు సీన్‌పై కర్ణాటకలోనే ఎక్కువ క్రిటిసిజం ఎదుర్కొంటోంది రష్మిక. సోషల్ మీడియాలో కూడా ఓ రేంజ్‌లో ట్రోల్ చేసేస్తున్నారు. దీనిపై రష్మిక స్పందించింది. సెకన్ల వ్యవధి ఉన్న టీజర్‌ను చూసి సినిమాపై ఒక నిర్ణయానికి రావడం మంచిది కాదని కథ డిమాండ్ చేసింది కాబట్టే తాను ఆ సన్నివేశాన్ని చేసానని చెప్పుకొచ్చారు.
సినిమా చూసాక అది సరైనదో కాదో చెప్పాలని సూచించారు. అయితే కథకు తగ్గట్లు నిజంగా లిప్‌లాక్ అవసరమైతే ఆ సన్నివేశాన్ని నేరుగా సినిమాలోనే చూపించి ఉండచ్చుగా అని నెటిజన్లు సెటైర్లు వేస్తున్నారు. అయితే రష్మిక చెప్పింది ఎంతవరకు నిజమో తెలుసుకోవాలంటే మే 31 వరకు ఆగాల్సిందే.