ఒకసారి సినిమా హిట్టయితే మళ్ళీమళ్ళీ సినిమాలు హిట్టవుతూనే ఉండాలని ఏ హీరో, హీరోయిన్ అయినా భావిస్తుంటారు. రష్మిక కూడా ప్రస్తుతం అదే అనుకుంటోంది. తెలుగు, కన్నడ సినిమాల్లో వరుసగా విజయాలతో దూసుకుపోతున్న రష్మిక హ్యాట్రిక్ కోసం ట్రై చేస్తోంది. అది కూడా ప్రిన్స్ మహేష్ బాబుతో అయితే ఇంకా బాగుంటుందని ఆమె ఆలోచన.
అనిల్ రావిపూడి దర్శకత్వంలో మే నెలలో ఒక సినిమా సెట్స్ మీదకు వెళ్ళబోతోంది. ఈ సినిమాలో ఇద్దరు హీరోయిన్లను అనిల్ తీసుకోవాలనుకుంటున్నారు. ఒకరు సాయిపల్లవి, మరొకరు రష్మిక మందన్న. అయితే సాయిపల్లవి హీరోయిన్‌గా బాగుంటుందని అనిల్‌తో పాటు మహేష్ అనుకుంటున్నారట.
విషయం కాస్తా రష్మిక దృష్టికి వెళ్ళి మహేష్ బాబుతో తనకున్న పాత పరిచయంతో ఫోన్ చేసి హీరోయిన్‌గా తన పేరు దర్శకుడికి చెప్పమని కోరుతోందట. ముందుగానే మృదుస్వభావిగా ఉన్న మహేష్ బాబు, రష్మిక ఎన్నిసార్లు ఫోన్ చేసినా సమాధానం మాత్రం సున్నితంగానే చెబుతున్నాడట. చూడాలి రష్మికకు ప్రిన్స్ సరసన నటించే అవకాశం వస్తుందో లేకుంటే సాయిపల్లవికి వస్తుందో.
