'అల వైకుంఠపురములో' సినిమా బాక్సాఫీస్ దగ్గర మంచి వసూళ్లనే దక్కించుకొని బ్లాక్ బస్టర్ అనిపించుకుంది. ఈ సినిమా అల్లు అర్జున్ కెరీర్‌లోనే అత్యధిక వసూళ్లను సాధించిన చిత్రంగా నిలిచింది. ఈ సినిమా సక్సెస్‌లో తమన్ సమకూర్చిన పాటలు కీ రోల్ పోషించాయి. ఈ సినిమా విడుదలకు ముందే ఈ సినిమాలోని పాటలు పెద్ద సెన్సేషన్ క్రియేట్ చేశాయి.
ముఖ్యంగా సామజవరగమన, రాములో రాములో, బుట్ట బొమ్మ వంటి సాంగ్స్ పెద్ద హిట్టైయ్యాయి. రిలీజ్‌కు ముందే రాములో రాములో యూట్యూబ్‌లో లిరికల్ వీడియో 100 మిలియన్ వ్యూస్ రాబట్టి అప్పట్లోనే సంచలనం సృష్టించింది.
విడుదలైన తర్వాత అల వైకుంఠపురములో పాటలు సంచలనాల మీద సంచలనాలు సృష్టిస్తున్నాయి. ఇప్పటికే బుట్టబొమ్మ ఫుల్ వీడియో సాంగ్ యూట్యూబ్‌లో 362 మిలియన్ వ్యూస్‌కు పైగా రాబట్టి ఇప్పటికీ టాప్ ట్రెండింగ్‌లో ఉంది. మరోవైపు ఈ సినిమాలోని 'సామజవరగమన' ఫుల్ వీడియో సాంగ్ 100 మిలియన్ వ్యూస్‌ను రాబట్టిన సంగతి తెలిసిందే.
ఇక 'అల వైకుంఠపురములో' సినిమాలోని రాములో రాములో ఫుల్ వీడియో సాంగ్ యూట్యూబ్‌లో తాజాగా 200 మిలియన్ వ్యూస్ రాబట్టింది. ఇక రాములో రాములో లిరికల్ వీడియో సాంగ్ 300 వ్యూస్ రాబట్టింది. మొత్తంగా 'అల వైకుంఠపురములో' మ్యూజిక్ ఆల్బమ్‌లోని రాములో రాముల పాట మొత్తంగా 500 మిలియన్ వ్యూస్‌ను సంపాదించింది. తెలుగులో ఓ పాట ఈ రేంజ్‌లో రెస్పాన్స్ తెచ్చుకోవడం పెద్ద విశేషమేనని సినీ పండితులు అంటున్నారు.