టాలీవుడ్ హీరో విజయ్ దేవరకొండ నటించిన ''డియర్ కామ్రేడ్'' హిందీ డబ్బింగ్ సినిమాకు యూట్యూబ్‌లో భారీ స్పందన లభించింది. ఇటీవల కొన్ని తెలుగు చిత్రాలను అనువాదం చేసి హిందీలో రిలీజ్ చేస్తున్న సంగతి తెలిసిందే. గతంలో అల్లు అర్జున్, రామ్ పోతినేని, బెల్లంకొండ శ్రీనివాస్ చిత్రాలు, నితిన్ సినిమాలు వందల మిలియన్ల వ్యూస్‌ను రాబట్టిన సంగతి తెలిసిందే.
తాజాగా డియర్ కామ్రేడ్ హిందీ అనువాదానికి యూట్యూబ్‌లో భారీ స్పందన లభిస్తుంది. ఈ చిత్రానికి 160 మిలియన్స్‌కి పైగా వ్యూస్ రాగా, 2 మిలియన్స్ లైక్స్ వచ్చాయి. ఇప్పటివరకు ఏ భారతీయ చిత్రానికి ఈ స్థాయిలో లైక్స్ రాలేదని అంటున్నారు.
గోల్డ్ మైన్స్ టెలి ఫిలింస్ సంస్థ హిందీ అనువాద హక్కులని కొనుగోలు చేసి ఈ ఏడాది జనవరి 19న యూట్యూబ్ ఛానెల్‌లో విడుదల చేసింది. ఇప్పటి వరకు ఈ సినిమాకి 2 మిలియన్ లైక్స్ రావడంతో మైత్రి మూవీ మేకర్స్ ఈ విషయాన్ని ప్రకటించారు.
