రోబో 2.0 టీజర్ వేడుకకు మమ్ముట్టి, మెగాస్టార్, మోహన్ లాల్

తమిళ సూపర్ స్టార్ రజనీకాంత్ నటించిన రోబో 2.0 సినిమాను ఆగస్టు 15 తర్వాత విడుదల చేయనున్నారు. స్టార్ హీరోలు రజనీకాంత్, అక్షయ్ కుమార్ కలిసి నటించిన ఈ చిత్రంలో భారీ విజువల్ ఎఫెక్ట్స్‌ను పొందుపరిచారు. ఈ పను

తమిళ సూపర్ స్టార్ రజనీకాంత్ నటించిన రోబో 2.0 సినిమాను ఆగస్టు 15 తర్వాత విడుదల చేయనున్నారు. స్టార్ హీరోలు రజనీకాంత్, అక్షయ్ కుమార్ కలిసి నటించిన ఈ చిత్రంలో భారీ విజువల్ ఎఫెక్ట్స్‌ను పొందుపరిచారు. ఈ పనులు ఇంకా పూర్తికాకపోవడంతోనే ఈ చిత్రం వాయిదా పడుతూ వస్తోందని సినీ యూనిట్ వర్గాల సమాచారం. ఇందులో మొత్తం 11వేల వీఎఫ్ఎక్స్ షాట్స్ ఉన్నాయని సమాచారం. 

ఈ నేపథ్యంలో ప్రస్తుతం శంకర్ 2.0 సినిమాకు సంబంధించిన గ్రాఫిక్స్ వర్క్ శరవేగంగా జరుగుతోంది. ఈ పనులు పూర్తయ్యాక విడుదలపై కచ్చితమైన తేదీని ప్రకటిస్తారు. ఇక ఆడియో వేడుక కార్యక్రమాన్ని దుబాయ్‌లో అట్టహాసంగా నిర్వహించిన ఈ సినీ యూనిట్.. త్వరలోనే హైదరాబాద్‌లో టీజర్‌ను విడుదల చేసేందుకు ప్లాన్ చేస్తోంది. ఈ టీజర్‌తో భారీగా అంచనాలు పెంచేయాలనే ఆలోచనలో వున్నారు. 

ఈ వేడుకకు ముఖ్య అతిథిగా మెగాస్టార్ చిరంజీవి, అలాగే మలయాళ స్టార్స్ మోహన్ లాల్, మమ్ముట్టిలను ఆహ్వానిస్తున్నట్లు సమాచారం. ఫిబ్రవరి మాసాంతంలో రజనీకాంత్ రోబో 2 టీజర్ వేడుకకు భాగ్యనగరం వేదిక కానుందని తెలిసింది.