ఈ దీపావళికి తమిళనాడులో కోవిడ్ తర్వాత థియేటర్లలో భారీగా విడుదలైన చిత్రం సూపర్ స్టార్ రజినీకాంత్ అన్నాత్తె. ఈ చిత్రం చూసిన రజినీ ఫ్యాన్స్ షాకింగ్ కామెంట్లు చేస్తున్నారు. సినిమాకు వెళ్లిన పావుగంటలోనే తమకు నిద్ర ముంచుకొచ్చేస్తోందనీ, సినిమా ఎప్పుడు అయిపోతుందా అని ఎదురుచూసామని అంటున్నారు.
కొంతమంది.. ఇంటర్వెల్ గంట కొట్టగానే థియేటర్లో వుండలేక పారిపోయి వచ్చేస్తున్నామని అంటున్నారు. సిస్టర్ సెంటిమెంట్ అన్నారు కానీ ఎక్కడా కూడా లాజిక్ లేకుండా అతుకులు అంటించినట్లు సినిమా తీసారని అంటున్నారు. ఎన్నాళ్లగానో ఎదురుచూస్తున్న తమకు తలైవా రజినీకాంత్ నుంచి ఇలాంటి చిత్రం వస్తుందని ఊహించలేదని అంటున్నారు.
కాగా ఈ చిత్రాన్ని రజినీకాంత్ హీరోగా శివ దర్శకత్వం వహించి తెరకెక్కించారు. రజనీకాంత్ సరసన నయనతార నటించింది. ఇంకా కీర్తి సురేష్, ప్రకాష్ రాజ్, ఖుష్బు సుందర్, మీనా నటించారు. కానీ ఎవ్వరి పాత్ర కూడా ఆకట్టుకునే రీతిలో లేదని అంటున్నారు ఫ్యాన్స్.