బాల్యం నుంచి న్యూడ్ సినిమాలు చూశా... అదో సైకో మెంటాలిటీ

తాను చిన్నప్పటి నుంచి సినిమాలు చూస్తూ పెరిగానని అందువల్ల తాను న్యూడ్ సన్నివేశాల్లో నటించే సమయంలో ఇబ్బందులు ఎదురుకాలేదని నటి రాధికా ఆప్టే చెప్పుకొచ్చింది. "స్లమ్ డాగ్ మిలియనీర్" పేమ్ దేవ్ పటేల్‌తో కలిసి రాధికా ఆప్టే కలిసి నటించిన చిత్రం ద వెడ్డింగ్ గెస్ట్. ఈ చిత్రంలో వీరిద్దరూ పలు సన్నివేశాల్లో న్యూడ్‌గా నటించారు. వీటిలో ఓ సన్నివేశాన్ని ఎవరో లీక్ చేయడంతో అది సోషల్ మీడియాలో వైరల్ అవుతోంది. దీన్ని అడ్డుపెట్టుకుని రాధికా ఆప్టేను నెటిజన్లు ట్రోల్ చేస్తున్నారు. 

దీనిపై రాధికా ఆప్టే స్పందించారు. సమాజంలో నెలకొనివున్న సైకో మెంటాలిటీ పెరిగిపోయిందని చెప్పడానికి ఈ సీన్‌ లీక్ కావడమే ఉదాహరణని ఆగ్రహాన్ని వ్యక్తంచేసింది. ఈ సీన్‌లో తనతో పాటు నటించిన దేవ్ పటేల్‌కు బదులుగా, తనను మాత్రమే టార్గెట్ ఎందుకు చేస్తున్నారని ప్రశ్నించింది. 

పైగా, ఈ చిత్రంలో ఎన్నో మంచి సీన్స్ ఉన్నాయనీ, వాటినన్నింటినీ వదిలి కేవలం శృంగార సన్నివేశాలను మాత్రమే లీక్ చేయడంలో ఆంతర్యమేమిటని ప్రశ్నించారు. ఈ పని ఉద్దేశ్యపూర్వకంగానే చేసినట్టు తెలుస్తోందన్నారు. 

అంతేకాకుండా, బోల్డ్ సీన్లలో నటించేందుకు తానేమీ భయపడబోనని, చిన్నప్పటి నుంచి సినిమాలు చూస్తూనే పెరిగానని, నటులు వేదికపై నగ్నంగా నటించడాన్ని కూడా తిలకించానని తెలిపింది. తన శరీరాన్ని చూసి తానెందుకు సిగ్గుపడాలని ప్రశ్నించిన ఆమె, ఓ నటిగా అవసరమనిపిస్తే ఎలాగైనా నటిస్తానని తెలిపింది.