#PUSHPA2HitsFastest1000Cr : రూ.1000 కోట్లు కలెక్ట్ చేసిన పుష్ప రాజ్

Pushpa 2

బాక్సాఫీస్ వద్ద పుష్ప రాజ్ రికార్డుల వేట కొనసాగుతోంది. తాజాగా ఈ చిత్రం ఆరు రోజుల్లో రూ.1002 కోట్లు వసూలు చేసింది. తద్వారా ఇండియన్‌ సినిమా చరిత్రలోనే అత్యంత వేగవంతగా రూ.1000 కోట్లు కలెక్ట్‌ చేసిన తొలి చిత్రంగా పుష్ప 2 సరికొత్త రికార్డును నెలకొల్పింది. 

కేవలం తెలుగులోనే కాదు రిలీజైన ప్రతి భాషలో సునామీలా దూసుకుపోతోంది పుష్ప-2. ముఖ్యంగా బాలీవుడ్ లో పుష్ప 2 సినిమా కలెక్షన్లు బాక్సాఫీస్ రికార్డులను బద్దలు కొడుతున్నాయి. 

అతి తక్కువ సమయంలోనే ట్రిపుల్ ఆర్, బాహుబలి రికార్డులను దాటేసింది. విడుదలైన తొలి వారానికే పరిస్ధితి ఇలా ఉంటే థియేటర్‌లో బిజినెస్ క్లోజ్ చేసే సమయానికి పుష్ప ఇంకెంత రాబడతాడోనని అభిమానులు ఆసక్తిగా ఎదురుచూస్తున్నారు. 

ఈ మూవీలో అల్లు అర్జున్ సరసన నేషనల్ క్రష్ రష్మిక మందన్న హీరోయిన్‌గా నటించగా.. ఫాహద్ ఫాజిల్, అనసూయ, సునీల్, రావు రమేష్, జగపతిబాబులు కీలక పాత్రల్లో నటించారు. ఇండియన్ సినిమా హిస్టరీలోనే ఇప్పటి వరకు ఏ మూవీ కూడా ఇంత ఫాస్ట్ గా వెయ్యి కోట్లు రాబట్టలేదు. ఇప్పటికే చాలా పెద్ద సినిమాల రికార్డులను తుడిచి పెట్టేస్తోంది.