మ‌హేష్ కాక‌పోతే ఇంకొక‌రు.. ఆ సినిమా మాత్రం ఆగ‌దు - పూరి..!

డేరింగ్ అండ్ డాషింగ్ డైరెక్ట‌ర్ పూరి జ‌గ‌న్నాథ్ తెర‌కెక్కించిన తాజా చిత్రం మెహ‌బూబా. ఆకాష్ పూరి, నేహాశెట్టి జంట‌గా న‌టించిన మెహ‌బూబా చిత్రం ఈనెల 11న ప్ర‌పంచ వ్యాప్తంగా ప్రేక్ష‌కుల ముందుకు వ‌చ్చేందుకు రెడీ అయ్యింది. సెన్సార్ కార్య‌క్ర‌మాలు పూర్తిచేసుక

డేరింగ్ అండ్ డాషింగ్ డైరెక్ట‌ర్ పూరి జ‌గ‌న్నాథ్ తెర‌కెక్కించిన తాజా చిత్రం మెహ‌బూబా. ఆకాష్ పూరి, నేహాశెట్టి జంట‌గా న‌టించిన మెహ‌బూబా చిత్రం ఈనెల 11న ప్ర‌పంచ వ్యాప్తంగా ప్రేక్ష‌కుల ముందుకు వ‌చ్చేందుకు రెడీ అయ్యింది. సెన్సార్ కార్య‌క్ర‌మాలు పూర్తిచేసుకున్న ఈ సినిమా పై బిగినింగ్ నుంచి పాజిటివ్ టాక్ ఉండ‌డం.. దీనికితోడు దిల్ రాజు ఈ సినిమాని నిర్మిస్తుండ‌టంతో ఖ‌చ్చితంగా ఈ సినిమా విజ‌యం సాధిస్తుంద‌ని టాక్ వినిపిస్తోంది. 

ఇదిలాఉంటే... ఈ చిత్రం  ప్రమోషన్లో పూరి బిజీగా ఉన్నారు. తాజాగా, మీడియాతో మాట్లాడిన ఆయన, గతంలో తాను మహేష్ బాబు హీరోగా తలపెట్టిన 'జనగణమన' చిత్రాన్ని ప్రస్తావించారు. మహేష్‌తో 'బిజినెస్ మేన్' తీసిన తరువాత 'జనగణమన' ప్లాన్ చేశానని, అయితే, మహేష్ ఏమీ తేల్చలేదని పూరీ చెప్పారు. ఈ సినిమాను మహేష్ కాక‌పోతే... మరో హీరోతో ఈ సినిమాను ఖ‌చ్చితంగా తీస్తానని అన్నారు. 

సమాజానికి ఇటువంటి చిత్రం ఎంతో అవసరమని, అత్యాచార ఘటనలు విన్నా, చూసినా తనకెంతో బాధకలుగుతుందన్నారు.  ఈ దేశం ఎలా పోతుందో అర్థం కావడం లేదనిపిస్తుందనీ, భారతావని సుభిక్షంగా ఉండాలంటే ఏం చేయాలన్నదే 'జనగణమన' స్టోరీలైన్ అని చెప్పారు. 

ఈ మూవీని వెంకీతో పూరి తీయ‌నున్న‌ట్టు గ‌తంలో వార్త‌లు వ‌చ్చాయి. మ‌రి... జ‌న‌గ‌ణ‌మ‌నలో మ‌హేష్ న‌టిస్తాడా..? వెంకీ న‌టిస్తాడా..? వీరిద్ద‌రూ కాకుండా మ‌రో హీరో న‌టిస్తాడో..? తెలియాలంటే కొన్ని రోజులు వెయిట్ చేయాల్సిందే.