పవన్ కళ్యాణ్‌ పైన సంచలన వ్యాఖ్యలు చేసిన ప్రకాష్‌ రాజ్.. ఎందుకు?

తెలంగాణా రాష్ట్రంలో టిఆర్ఎస్ పార్టీకి నటుడు ప్రకాష్‌ రాజ్ మద్దతు తెలిపిన విషయం తెలిసిందే. అయితే ఎపిలో మాత్రం మూడు పార్టీలలో ఏ పార్టీకి మద్ధతు ప్రకటించలేదాయన. అంతేకాదు పవన్ కళ్యాణ్‌ పైన సంచలన వ్యాఖ్యలు చేశారు. పవన్ పార్టీకి ఒక దిశానిర్దేశం లేదు.. ఒక ప్రణాళిక లేదు. అలాంటి పార్టీ ప్రజల్లోకి వెళ్ళడం హాస్యాస్పదంగా ఉందన్నారు. సినీ పరిశ్రమ నుంచి రాజకీయాల్లోకి వచ్చిన వారికి ఆ పరిశ్రమలో ఉన్న ప్రముఖులు సాధారణంగా మద్దతు తెలుపుతారు. కానీ నాకెందుకో పవన్ కళ్యాణ్‌ రాజకీయాల్లో వ్యవహరిస్తున్న తీరు నచ్చలేదన్నారు ప్రకాష్‌ రాజ్.

పవన్‌ని మాత్రమే కాదు జగన్ పైన కూడా విమర్శలు చేశారు ప్రకాష్‌ రాజ్. వైసిపి బిజెపితో జత కట్టే అవకాశముంది కాబట్టి ఆ పార్టీని కూడా నమ్మలేమన్నారు. చంద్రబాబు కాంగ్రెస్ పార్టీతో కలిశాడు కనుక ఆయన్ను కూడా నమ్మలేనని, కాబట్టి ఎపిలో ఏ పార్టీకి తాను మద్దతిచ్చే అవకాశం లేదన్నారు ప్రకాష్‌ రాజ్. పవన్ కళ్యాణ్‌ పైన ప్రకాష్‌ రాజ్ సంచలన వ్యాఖ్యలు చేయడం రాజకీయ దుమారం రేగుతోంది. అటు తెలుగు సినీ పరిశ్రమలోను, ఇటు రాజకీయ నాయకుల మధ్య ఇదే విషయంపై తీవ్రస్థాయిలో చర్చ జరుగుతోంది.