ప్ర‌భుదేవా, అదాశ‌ర్మ, నిక్క‌గ‌ల్రాని హీరోహీరోయిన్లుగా శ‌క్తి చిదంబ‌రం ద‌ర్శ‌క‌త్వంలో రూపొందిన త‌మిళ చిత్రం `చార్లీ చాప్లిన్`. ఈ చిత్రాన్ని శ్రీ తార‌క‌రామ పిక్చ‌ర్స్ ప‌తాకం పైన ఎమ్.వి. కృష్ణ స‌మ‌ర్ప‌ణ‌లో వి.శ్రీనివాస‌రావు తెలుగులోకి `మిస్ట‌ర్ ప్రేమికుడు` పేరుతో అనువ‌దిస్తున్నారు. త‌మిళంలో ఇటీవ‌ల విడుద‌లై ఘ‌న విజ‌యం సాధించిన ఈ చిత్రం అక్క‌డ భారీ వ‌సూళ్లు రాబ‌ట్టింది. ప్ర‌స్తుతం తెలుగు అనువాద కార్య‌క్ర‌మాలు ఫైన‌ల్ ద‌శ‌లో ఉన్నాయి. ఈ నెల‌లోనే సినిమాను గ్రాండ్‌గా రిలీజ్‌కు ప్లాన్ చేస్తున్నారు.
ఈ సంద‌ర్భంగా నిర్మాత వి. శ్రీనివాస‌రావు మాట్లాడుతూ… ప్ర‌భుదేవా హీరోగా న‌టించిన సినిమాలంటే తెలుగు ప్రేక్ష‌కులకు ప్ర‌త్యేకమైన అభిమానం. అందుకే తెలుగులోకి అనువ‌దిస్తున్నాం. ఫుల్ లెంగ్త్ కామెడీ ఎంట‌ర్టైన‌ర్‌గా రూపొందిన ఈ చిత్రంలోని పాట‌లతో పాటు సెకండాఫ్‌లో వ‌చ్చే స‌న్నివేశాలు సినిమాకు హైలెట్‌గా నిల‌వ‌నున్నాయి. త్వ‌ర‌లో ఆడియో విడుద‌ల చేసిన ఈ నెల‌లోనే సినిమాను విడుద‌ల చేయ‌డానికి ప్లాన్ చేస్తున్నాం అన్నారు.