చైనాలో బాహుబలి-2 రిలీజ్: హాలీవుడ్ సినిమాలతో పోటీపడుతుందా?

చైనాలో బాహుబలి-2 విడుదలకు రంగం సిద్ధమైంది. ఇప్పటికే ఈ సినిమా భారీ స్థాయిలో విడుదల కావాల్సింది. అయితే ఆ సమయానికి 'దంగల్' చైనాలో కలెక్షన్ల వర్షం కురిపించడంతో బాహుబలి-2కి బ్రేక్ పడింది. ఈ నేపథ్యంలో చైనాల

చైనాలో బాహుబలి-2 విడుదలకు రంగం సిద్ధమైంది. ఇప్పటికే ఈ సినిమా భారీ స్థాయిలో విడుదల కావాల్సింది. అయితే ఆ సమయానికి 'దంగల్' చైనాలో కలెక్షన్ల వర్షం కురిపించడంతో బాహుబలి-2కి బ్రేక్ పడింది. ఈ నేపథ్యంలో చైనాలో డిసెంబరులో బాహుబలి-2ని రిలీజ్ చేసేందుకు సన్నాహాలు చేస్తున్నారు. 

కొత్తగా ప్రమోషన్ కార్యక్రమాలను డిజైన్ చేస్తున్నారు. కానీ డిసెంబర్‌లో చైనాలో భారీ స్థాయిలో హాలీవుడ్ సినిమాలు విడుదల కానున్నాయి. చైనాలో హాలీవుడ్ సినిమాలకు క్రేజ్ ఎక్కువ. అలాంటి సినిమాలతో బాహుబలి-2 పోటీపడి నిలుస్తుందా? అనేది ప్రస్తుతం ఆసక్తికరంగా మారింది.

ఇదిలా ఉంటే.. బాహుబ‌లి-2 సినిమా ఆస్కార్ అవార్డుకి నామినేట్ కాక‌పోడంపై ద‌ర్శ‌క ధీరుడు రాజ‌మౌళి స్పందించారు. త‌న సినిమాలు అవార్డులు తెచ్చిపెట్ట‌డం కాద‌ని, అభిమానుల‌కు నచ్చాల‌న్నాడు. సినీ నిర్మాతలకు డబ్బులు సంపాదించిపెట్టాలని వ్యాఖ్యానించారు. 

ఆస్కార్ రేసులో బాహుబ‌లి-2 కాకుండా బాలీవుడ్ మూవీ న్యూటన్ నిలిచిన నేప‌థ్యంలో ఓ జాతీయ మీడియాకు ఇచ్చిన ఇంట‌ర్వ్యూలో రాజ‌మౌళి మాట్లాడుతూ... త‌న సినిమా ఆస్కార్ రేసులో నిల‌వ‌క‌పోవ‌డంపై తాను అసంతృప్తిగా ఏమీ లేనన్నారు.