ప్రభాస్, పూజా హెగ్డే జంటగా నటిస్తున్న చిత్రం రాధేశ్యామ్. రాధా కృష్ణ దర్శకత్వంలో తెరకెక్కుతున్న ఈ సినిమా మార్చి 11 న ప్రేక్షకుల ముందుకు రానుంది. ఈ నేపథ్యంలోనే ప‌లు చోట్ల మీడియా స‌మావేశం ఏర్పాటు చేసిన చిత్ర టీమ్ నేడు హైద‌రాబాద్‌లోనూ స్టార్ హోట‌ల్‌లో ఏర్పాటు చేసింది. ఈ సంద‌ర్భంగా ప్రభాస్ రాధే శ్యామ్ గురించి ద‌ర్శ‌కుడు, ఆర్ట్ డైరెక్ట‌ర్‌, థ‌మ‌న్ సంగీతం గురించి ఆహా! ఓహో\! అనేలా మాట్లాడాడు. రొటీన్‌గా వివిధ చోట్ల మాట్లాడిన వివ‌రాలే తెలియ‌జేశాడు. కానీ కొత్త‌గా ఆయ‌న‌కు ఎదురయిన స‌మ‌స్య ఆంధ్ర ప్ర‌దేశ్‌లో జ‌గ‌న్ ప్ర‌భుత్వం సినిటికెట్ల రేట్ల గురించి, అస‌లు జ‌గ‌న్ మీతో ఎటువంటి హామీ ఇచ్చాడ‌నేది ప్ర‌ధాన అంశంగా వుంది.
వీటిపై ప్రభాస్ ఆ విష‌యాల‌న్నీ మా నిర్మాత వంశీనే చూసుకుంటాడంటూ దాట వేశారు. కానీ విలేక‌రులు ఊరుకోలేదు. మీరు కూడా జ‌గ‌న్‌ను క‌లిశారు క‌దా? అని అడిగితే.. అంతా మంచి జరగాలనే కోరుకుంటున్నాం.. వస్తే బావుంటుంది అంటూ ప్రభాస్ చెప్పుకొచ్చాడు. ట్విస్ట్ ఏమంటే రాధే శ్యామ్ క‌థ జాత‌కాలు చెప్పే జ్యోతిష్యుడి క‌థ. మ‌రి ప్రభాస్ త‌న రాధేశ్యామ్ జ్యోతిష్యం గురించి ఏమి జ‌రుగుతుందో కూడా తెలీయ‌కుండా చెప్పాడ‌ని అక్క‌డివారు సెటైర్లు వేసుకోవ‌డం విశేషం.