ప్రభాస్ జీక్యూ లుక్ అదిరింది.. ''దందా'' పేరుతో కృష్ణంరాజుతో సినిమా
బాహుబలి, సాహో స్టార్ ప్రభాస్ మళ్లీ వార్తల్లోకెక్కాడు. జీక్యూ మ్యాగజైన్ కవర్ పేజీలో ప్రభాస్ కనిపించాడు. సూటు-కోటుతో కాలు మీద కాలేసుకుని కూర్చున్న ప్రభాస్ లుక్ చూసి.. ఫ్యాన్స్‌తో పాటు డార్లింగ్ మహిళా ఫ్
బాహుబలి, సాహో స్టార్ ప్రభాస్ మళ్లీ వార్తల్లోకెక్కాడు. జీక్యూ మ్యాగజైన్ కవర్ పేజీలో ప్రభాస్ కనిపించాడు. సూటు-కోటుతో కాలు మీద కాలేసుకుని కూర్చున్న ప్రభాస్ లుక్ చూసి.. ఫ్యాన్స్‌తో పాటు డార్లింగ్ మహిళా ఫ్యాన్స్ కూడా ఫిదా అవుతున్నారు. ప్రస్తుతం ఈ ఫోటో సోషల్ మీడియాలో వైరల్ అవుతోంది.
ప్రస్తుతం ప్రభాస్ 'సాహో' సినిమా షూటింగుతో బిజీగా వున్న ప్రభాస్.. ఈ సినిమా షూటింగ్ పూర్తయ్యాక 'జిల్' ఫేమ్ రాధాకృష్ణ దర్శకత్వంలో ఒక సినిమా చేయనున్నట్టు సమాచారం. అలాగే కృష్ణంరాజు సొంత బ్యానర్లో ఒక సినిమా చేయనున్నాడని తెలిసింది. రాధాకృష్ణతో 2018 చివరిలో గానీ, 2019 ప్రారంభంలో గాని ఈ సినిమా సెట్స్ పైకి వెళ్లనుందట.
ఆపై ప్రభాస్ కృష్ణం రాజు సొంత పతాకం సినిమా చేస్తారని ఫిలిమ్ నగర్ వర్గాల్లో జోరుగా చర్చ సాగుతోంది. ఈ సినిమాకి దర్శక నిర్మాతగా కృష్ణంరాజు వ్యవహరించనున్నట్టు చెబుతున్నారు. ఇప్పటికే కృష్ణంరాజు 'దందా' అనే టైటిల్‌ను రిజిస్టర్ చేయించారు. ఈ టైటిల్ ప్రభాస్‌తో సినిమా కోసమేనని సినీ పండితులు జోస్యం చెప్తున్నారు.