సెన్సేషనల్ డైరెక్టర్ మణిరత్నం తెరకెక్కిస్తోన్న ప్రతిష్టాత్మక చిత్రం పొన్నియన్ సెల్వన్. కల్కి కృష్ణమూర్తి రాసిన పొన్నియిన్ సెల్వన్ యొక్క మొదటి రెండు నవలల ఆధారంగా రూపొందిస్తున్న చిత్రం ఇది. ఈ సినిమా సెప్టెంబర్ 30న ప్రపంచ వ్యాప్తంగా తమిళం- మలయాళం- కన్నడ- తెలుగు- హిందీ భాషల్లో ప్రేక్షకుల ముందుకు రానుంది. ఈ సినిమాకు ఏ ఆర్ రెహమాన్ సంగీతం అందించారు.
వీళ్ళు కాకుండా విక్రమ్ ప్రభు, శోభితా ధూళిపాల, పార్తీబన్, శరత్ కుమార్, ప్రకాశ్ రాజ్ కీలకపాత్రల్లో నటిస్తున్నారు. చాలా కాలం తర్వాత మణిరత్నం తెరకెక్కిస్తున్న ఈ సినిమాకోసం ప్రేక్షకులంతా ఎంతో ఆసక్తిగా ఎదురుచూస్తున్నారు. ఈ సినిమా పై ముందు నుంచి భారీ అంచనాలు నెలకొన్నాయి.
తాజాగా ఈ సినిమానుంచి ట్రైలర్ ను రిలీజ్ చేశారు. ట్రైలర్ ఆద్యంతం యుద్దాలపైనే నడిచింది. ఈ ట్రైలర్ కు తమిళంలో కమల్ హాసన్.. మలయాళంలో పృథ్వీరాజ్ సుకుమారన్.. తెలుగులో రానా దగ్గుబాటి .. కన్నడకు జయంత్ కైకిని .. హిందీకి అనిల్ కపూర్ వాయిస్ ఓవర్ లను అందించారు.