పుట్టిన‌రోజు వేడుక‌పై పోలీసు కేసు!

Allu arjun with fans

పుష్ప‌ సినిమా టీజ‌ర్ వేడుక‌లో ద‌ర్శ‌కుడు సుకుమార్ స్ట‌యిలిష్ స్టార్ నుంచి ఐకాన్ స్టార్‌గా బిరుదు ఇచ్చేస‌రికి ఫ్యాన్స్ ఆనందంలో వున్నారు. అదే ఆనందాన్ని త‌న పుట్టిన‌రోజును వినూత్నంగా జ‌రుపుకోవాల‌ని అల్లు అర్జున్ టీమ్ భావించింది. అందుకే 8వ తేదీ రాత్రి 8.30నిముషాల‌కు హైద‌రాబాద్‌లోని మాదాపూర్‌ద‌గ్గ‌ర కొత్త‌గా క‌ట్టిన తీగ‌ల వంతెన‌పై వేడుక జ‌ర‌పుకున్నారు. అక్క‌డ వినూత్నంగా కేక్ క‌ట్ చేసి జ‌రుపుకోవ‌డ‌మేకాకుండా బాణ‌సంచా కాల్చారు. అక్క‌డ లేజ‌ర్ షో విశేషంగా ఆక‌ట్టుకుంది. ఈ వేడుక‌కు పోలీసు బందోబ‌స్తు కూడా ఏర్పాటు చేయ‌బ‌డింది. మీడియా కూడా భారీగానే త‌న‌లివ‌చ్చారు.

ఏదో కొద్దిసేపు వుంటుంద‌నుకున్న ఈ వేడుక దాదాపు గంట‌ప‌ట్టింది. ఈలోగా ట్రాఫిక్‌ను బిడ్జ్రి కింద‌నుంచి ఇన్ ఆర్‌బిట్ మాల్‌కు మ‌ళ్ళించారు. కాగా, ఈ బాణాసంచాను కాల్చిన ఆయ‌న అభిమానులపై కోవిడ్ నిబంధ‌న‌ల‌కు విరుద్ధంగా పేల్చారంటూ వీరిపై కేసు న‌మోదైంది. అల్లు అర్జున్ ఫ్యాన్స్ ప్రెసిడెంట్ ప్రశాంత్‌తో పాటు మరో అభిమాని సంతోష్ పేరుతో ఫైర్ క్రాకర్స్‌ని ఈ వేడుకలో కాల్చారు. జూబ్లీ హిల్స్ పోలీసులు  ప్రశాంత్‌, సంతోష్‌పై కేసు నమోదు చేశారు. పబ్లిక్ కి అంత‌రాయం క‌లిగించారు కాబ‌ట్టి వీరిపై ఐపిసి 290, ఐపిసి 336 మరియు ఐపిసి 188 సెక్ష‌న్‌ల కింద‌ కేసు న‌మోదు చేశారు