పవర్ స్టార్ పవన్ కల్యాణ్ వకీల్ సాబ్ సినిమా చిత్రీకరణ తుది దశకు చేరుకుంది. ఈ వేసవికి ఈ చిత్రం ప్రేక్షకుల ముందుకు రానుంది. దిల్ రాజు నిర్మాత వేణు శ్రీరామ్ దర్శకత్వంలో రాబోతున్న ఈ సినిమాపై మంచి అంచనాలే ఉన్నాయి. ఈ చిత్రంలో శృతిహాసన్‌, అంజలి, నివేథా థామస్‌, అనన్య ప్రధాన పాత్రల్లో నటిస్తున్నారు.
అయితే.. సంక్రాంతి కానుకగా ఈ సినిమా టీజర్ వస్తుందేమోనని ఆశగా ఎదురు చూస్తున్న అభిమానులకు ప్రముఖ నటుడు దేవ్‌గిల్‌ సర్‌ఫ్రైజ్‌ ఇచ్చాడు. ఈ సినిమా క్లైమాక్స్‌ ఫైట్‌కు సంబంధించిన ఫొటోని తన సోషల్‌ మీడియాలో షేర్‌ చేయడంతో ఇది కొద్ది నిమిషాల్లోనే వైరల్‌ అయింది.
ఈ స్టిల్స్‌ను బట్టి చూస్తే... సినిమాలో చాలా మార్పులు చేశారని అర్ధమవుతుంది. కాగా..ఈ ఏడాది ట్విట్టర్ లో ట్రెండ్ అయిన ట్యాగ్స్ లలో 'వకీల్ సాబ్' కూడా నిలిచింది అంటే హవా ఏ రేంజ్‌లో ఉందో అర్థం చేసుకోవచ్చు. వీలైనంత వరకు టీజర్‌లో సినిమా రిలీజ్ డేట్ ఫిక్స్ చేసేందుకు దిల్ రాజు ప్రయత్నిస్తున్నారని టాక్ వస్తోంది.