పవర్ స్టార్ పవన్ కళ్యాణ్ - త్రివిక్రమ్ కాంబినేషన్‌లో వచ్చిన బ్లాక్‌బస్టర్ హిట్ చిత్రం "అత్తారింటికి దారేది". ఈ చిత్రంలో సమంత, ప్రణీతలు హీరోయిన్లుగా నటించారు. ఇందులో ప్రణీత కన్నడ భామ. మాతృభాషలో పలు చిత్రాలు చేసినప్పటికీ అవి పూర్తిగా నిరాశపరిచాయి. ఈ క్రమంలో 'అత్తారింటికి దారేది' చిత్రంలో ఛాన్స్ రావడంతో ఈ అమ్మడు టాలీవుడ్‌లో స్థిరపడిపోయింది.
అదేసమయంలో ప్రణీత పలు సామాజిక సేవా కార్యక్రమాలు కూడా చేస్తూ ఉంటుంది. ఇప్పటికే అనేక మంది ప్రశంసలు పొందిన ప్రణీత.. కర్ణాటకలో తన తండ్రి పుట్టి పెరిగిన ఆలూరులోని ఓ ప్రభుత్వ పాఠశాలలో కనీస సౌకర్యాలు కూడా లేక అక్కడ విద్యార్థులు తీవ్ర ఇబ్బందులు పడుతున్న విషయం తెలుసుకుంది.
దీంతో తన సొంతూరికి సేవ చెయ్యాలనే ఉద్దేశ్యంతో ఎలాంటి సదుపాయాలు లేని అక్కడి పాఠశాలను దతత్త తీసుకుంది. ఆ పాఠశాలకు ఐదు లక్షల రూపాయలతో కనీస సౌకర్యాలు కల్పించింది. మరుగుదొడ్డి నిర్మించడంతో పాటుగా విద్యార్థుల తరగతి గదులకు మరమ్మత్తులు చేయించి ప్రతి ఒక్కరితో శభాష్ అనిపించుకుంది.