రిపబ్లిక్ మూవీ ప్రీ రిలీజ్ ఈవెంట్‌కు పవన్ కల్యాణ్ ముఖ్య అతిథిగా హాజరైన సంగతి తెలిసిందే. పవన్ తన ప్రసంగంలో భాగంలో ఏపీ టికెట్ రేట్ల సమస్య గురించి స్పందించి ఘాటు వ్యాఖ్యలు చేశారు. ఈ సందర్భంగా పవన్ ఓ వ్యక్తిపై సీరియస్ అయ్యారు. ఈ వీడియో సోషల్ మీడియాలో తెగ వైరల్ కావడం తెలిసిందే.
అయితే స్టేజ్ పైకి వచ్చిన వ్యక్తి ఎవరనే క్లారిటీ లేకపోవడం వల్ల పవన్ తన ఫ్యాన్ పై ఆగ్రహం వ్యక్తం చేశారని కామెంట్లు వినిపించాయి. అయితే పవన్ ఏ వ్యక్తిపై ఆగ్రహం వ్యక్తం చేశారో అదే వ్యక్తి అఖండ మూవీ ప్రీ రిలీజ్ ఈవెంట్‌కు హాజరు కాగా బాలకృష్ణ ఆ వ్యక్తికి ఫ్లవర్ బొకే ఇచ్చారు.
పవన్ అభిమానులు ఆ వ్యక్తి ఎవరని ఆరా తీయగా అసలు విషయం బయటకొచ్చింది. రిపబ్లిక్ ఈవెంట్ లో స్టేజ్ పైకి వచ్చిన ఈ వ్యక్తి పవన్ అభిమాని కాదని తెలిసింది.
ఆరోజు హంగామా చేసిన ఈ వ్యక్తి ఈవెంట్ మేనేజర్ అని సమాచారం. పవన్ అభిమానులపై ఆగ్రహం వ్యక్తం చేయడని నెటిజన్లు, పవన్ అభిమానులు అంటున్నారు.