తెలుగు చిత్రపరిశ్రమలో వివిధ రకాలైన పాత్రలను పోషించి మంచి క్యారెక్టర్ ఆర్టిస్ట్‌గా గుర్తింపు పొందిన నటి పావలా శ్యామల. ప్రస్తుతం ఈమె ఆర్థిక కష్టాల్లో చిక్కుకుంది. పూట గడవని కొట్టుమిట్టాడుతోంది.
ఈమె ఖడ్గం, ఆంధ్రవాలా, బాబాయ్‌ హోటల్‌, గోలిమార్‌ వంటి సూపర్‌ చిత్రాల్లో నటించారు. ఈ చిత్రాల్లో ఆమె ప్ర‌త్యేక న‌ట‌న‌తో అశేష ఆద‌ర‌ణ పొందింది. కానీ, ఇపుడు ఆమెకు సినిమా ఆఫ‌ర్స్ లేవు. దీంతో ఆర్థిక స‌మస్య‌ల‌తో ఇబ్బంది ప‌డుతుంది.
అప్ప‌ట్లో పావలా శ్యామ‌లా ప‌రిస్థితి తెలుసుకున్న పవన్ క‌ళ్యాణ్ కొంత ఆర్థిక సాయం చేయ‌గా, తెలంగాణ ప్రభుత్వం తరపున ఆమెకు నెలకు 10 వేల రూపాయల పెన్ష‌న్ కూడా వ‌స్తుంది.
ఆర్ధిక కార‌ణాల వ‌ల‌న పావలా శ్యామ‌లా ఇంటితో పాటు త‌న‌కు వ‌చ్చిన అవార్డులను కూడా అమ్ముకుంది. ప్రస్తుతం అద్దె ఇంట్లో ఉంటుంది. గత మూడు నెలలు ఇంటి అద్దె కూడా కట్టలేదని వాపోతున్నారు.
అయితే ఆమెకు కరాటె క‌ళ్యాణితో పాటు మా అసోసియేష‌న్ అండ‌గా ఉంటుంద‌ని హామీ ఇచ్చారు. అంతేకాక ప్ర‌తి ఒక్క‌రు త‌మ వంతు సాయం చేయాల‌ని కోరారు. పావలా శ్యామ‌లాతో పాటు ఆమె కూతురు కూడా అనారోగ్యంతో బాధ‌ప‌డుతున్న విష‌యం విదిత‌మే.