బాలీవుడ్ నటి ప్రియాంకా చోప్రా వచ్చే నెలలో ఓ ఇంటి కోడలు కానుంది. అమెరికా సింగర్ నిక్ జోనాస్‌ను ఆమె పెళ్లి చేసుకోనుంది. రాజస్థాన్ వేదికగా ఈ పెళ్లి జరుగనుంది. మూడు రోజుల పాటు జరుగనున్న ఈ పెళ్లి పనులు జోరుగా సాగుతున్నాయి.
అయితే ప్రియాంక చోప్రా సోద‌రి ప‌రిణితీ చోప్రా ఓ జాతీయ మీడియాతో మాట్లాడుతూ తాను కాబోయే బావ‌గారిని (నిక్ జోనాస్‌) 37 కోట్ల రూపాయ‌లు డిమాండ్ చేసిన‌ట్టు తెలిపిది. ఉత్త‌రాది పెళ్లి వేడుక‌ల‌లో జుతా చురానా అనే ఆట ఉంటుంది. ఇందులో మ‌ర‌ద‌ళ్ళు బావ వస్తువులు దొంగిలించి అడిగినంత మొత్తం ఇస్తేనే తిరిగి వారి వస్తువులు వారికి ఇచ్చేస్తారు.
ఇందులో భాగంగా ప‌రిణితీ ముందుగానే 5 మిలియన్‌ డాలర్లు (సుమారు రూ.37 కోట్లు) డిమాండ్ చేయ‌గా, ఆమె బావ అయిన నిక్ 10 డాలర్లు మాత్ర‌మే ఇస్తాన‌ని అన్నాడ‌ట. దీనిపై ఇంకా చ‌ర్చ‌లు న‌డుస్తున్నాయి. నేను ఎంత అడిగిన ఆయ‌న ఇస్తారు. ఎందుకంటే ఆయ‌న ప్రియ‌మైన మ‌ర‌దలిని నేను అంటూ చెప్పుకొచ్చింది ప‌రిణితీ.