'ఓకే నేను ఈ చిన్నోడిని కిడ్నాప్‌ చేస్తా'నంటున్న సమంత
రామ్ చరణ్ - సుకుమార్ కాంబినేషన్‌లో వచ్చిన చిత్రం "రంగస్థలం". సమంత హీరోయిన్. ఈ చిత్రం మార్చి నెలలో విడుదలై సూపర్ డూపర్ హిట్ సాధించింది. బాక్సాఫీస్ వద్ద కలెక్షన్ల వర్షం కురిపించింది. అయితే, ఈ చిత్రంలోని
రామ్ చరణ్ - సుకుమార్ కాంబినేషన్‌లో వచ్చిన చిత్రం "రంగస్థలం". సమంత హీరోయిన్. ఈ చిత్రం మార్చి నెలలో విడుదలై సూపర్ డూపర్ హిట్ సాధించింది. బాక్సాఫీస్ వద్ద కలెక్షన్ల వర్షం కురిపించింది. అయితే, ఈ చిత్రంలోని అన్ని పాటలు మంచి ప్రజాధారణ పొందాయి. అలాంటి వాటిలో "రంగమ్మ.. మంగమ్మా" పాట మరింత పాపులర్ అయింది. ఈ పాటకు పేరడీలు కూడా వచ్చేశాయి.
ముఖ్యంగా, ఆరేళ్ల పిల్లాడి నుంచి అరవై ఏళ్ల వృద్ధుడి వరకు అందరికీ నచ్చేసింది. ఇటీవల ఓ తాతయ్య పాడిన రంగమ్మ మంగమ్మ పాట బాగా వైరల్‌ అయిన విషయం తెలిసిందే. అందుకు సంబంధించిన వీడియోను సమంత కూడా రీట్వీట్‌ చేసింది. తాజాగా, ట్విట్టర్‌లో సమంత అభిమాని ఒకరు.. ఓ పిల్లాడు 'రంగమ్మ.. మంగమ్మ' పాటకు డ్యాన్స్ వేయగా, దాన్ని వీడియో తీసి ట్విట్టర్‌లో పోస్ట్ చేశాడు.
ఈ పాట ఎంతో పాప్యులర్‌ అయిందని, పదే పదే చూడకుండా ఉండగలవా సమంత? అని ట్వీట్‌ చేశాడు. ఈ పిల్లాడు పాడిన పాట కూడా సమంతకు తెగ నచ్చేసింది. ఈ వీడియో ఉన్న ట్వీట్‌ను రీట్వీట్‌ చేస్తూ 'ఓకే నేను ఈ చిన్నోడిని కిడ్నాప్‌ చేస్తా' అంటూ సమంత సరదాగా ట్వీట్‌ చేసింది. రంగమ్మ మంగమ్మ అంటూ ఆ బుజ్జిగాడు పాడుతోన్న పాట అందరినీ అలరిస్తోంది. ఆ వీడియోను మీరూ చూడండి.