తెలుగు రాష్ట్రాల్లో దేవర జాతర జరుగుతోంది. ఈ సినిమాను చూసేందుకు ప్రేక్షకులు ఆసక్తి చూపిస్తున్నారు. ఐతే దేవర చిత్రం చూస్తూ ఓ వ్యక్తి మృతి చెందిన విషాదకర ఘటన కడపలో చోటుచేసుకున్నది. వివరాలను చూస్తే... కడపలో అప్సర థియేటర్లో జూనియర్ ఎన్టీఆర్ అభిమానుల కోసం స్పెషల్ షో వేశారు. ఈ మూవీని చూస్తూ మస్తాన్ వలి అనే అభిమాని కుప్పకూలిపోయాడు. వెంటనే గమనించిన తోటివారు అతడిని హుటాహుటిన ఆసుపత్రికి తరలించారు. ఐతే అప్పటికే అతడు మృతి చెందినట్లు వైద్యులు ధృవీకరించారు. మృతుడు కడపలోని సీకేదీన్నె మండలం జమాల్ పల్లికి చెందినవాడుగా గుర్తించారు.
మరోవైపు చిత్రం హిట్ టాక్ రావడంతో థియేటర్ల వద్ద ప్రేక్షకుల రద్దీ విపరీతంగా వుంటోంది. వీరిని అదుపు చేసేందుకు పలుచోట్ల పోలీసులు కష్టపడాల్సి వస్తోంది.