'ఎన్టీఆర్ బయోపిక్‌' ఓవర్సీస్ రైట్స్ కోసం పోటాపోటీ

స్వర్గీయ ఎన్.టి.రామారావు జీవిత చరిత్ర ఆధారంగా తెరకెక్కుతున్న చిత్రం ఎన్టీఆర్ బయోపిక్. హీరో బాలకృష్ణ ఈ చిత్రంలో నటిస్తూ, నిర్మిస్తున్నారు. ఇప్పటికే చాలా మేరకు షూటింగ్ పూర్తి చేసుకున్న ఈ చిత్రానికి క్రి

స్వర్గీయ ఎన్.టి.రామారావు జీవిత చరిత్ర ఆధారంగా తెరకెక్కుతున్న చిత్రం ఎన్టీఆర్ బయోపిక్. హీరో బాలకృష్ణ ఈ చిత్రంలో నటిస్తూ, నిర్మిస్తున్నారు. ఇప్పటికే చాలా మేరకు షూటింగ్ పూర్తి చేసుకున్న ఈ చిత్రానికి క్రిష్ జాగర్లమూడి దర్శకత్వం వహిస్తున్నారు. వచ్చే యేడాది సంక్రాంతికి ప్రేక్షకుల ముందుకురానుంది.

అయితే, ఈ చిత్రంలో ప్రేక్షకుల్లోనే కాకుండా, అటు సినీ ఇండస్ట్రీలోనూ భారీ క్రేజ్ ఏర్పడింది. దీనికి కారణం అనేక అగ్రనటీనటులతో హీరోహీరోయిన్లు ఇందులో కీలకపాత్రలు పోషిస్తున్నారు. ముఖ్యంగా, తమ అభిమాన నటుడు ఎన్టీఆర్‌తో సహా ఆనాటి నటీనటుల రూపాలను వెండితెరపై చూడాలని కుతూహలంగా ఉన్నారు. అయితే ఈ బయోపిక్ విషయంలో రోజుకో సర్‌ప్రైజ్ బయటకు వదులుతూ ప్రేక్షకులను ఖుషీ చేస్తోంది చిత్ర యూనిట్. 

ఈనేపథ్యంలో 'ఎన్టీఆర్' బయోపిక్ రైట్స్ దక్కించుకోవడానికి చాలా సంస్థలు ముందుకొస్తున్నాయట. ఈ రైట్స్ విషయంలో ఇప్పటికే ఓ సంస్థ 10 కోట్ల రూపాయలు ఆఫర్ చేసిందని సమాచారం. అయితే సినిమాకున్న క్రేజ్ దృష్ట్యా ఈ సినిమా హక్కులను ఇంకా ఎక్కువ ధరకు అమ్మాలనే యోచనలో నిర్మాతలు ఉన్నట్లు తెలుస్తోంది. దాదాపు 12 కోట్ల వరకు ఓవర్‌సీస్ హక్కుల ద్వారా రావాలని భావిస్తున్నారట. హక్కుల విషయంలోనే ఈ రేంజ్‌లో ఉందంటే.. ఇక సినిమా విడుదలైతే ఇంకెన్ని కలెక్షన్ల సునామీలు సృష్టిస్తుందోనన్న చర్చ సాగుతోంది.