ఒక‌వైపు మ‌రోసారి క‌రోనా వ‌ల్ల సినిమా విడుద‌ల‌ను వాయిదా ప‌డ‌తాయ‌ని ద‌ర్శ‌క నిర్మాత‌లు గంద‌ర‌గోళంగా వున్నారు. ఇలాంటి టైంలో బాలీవుడ్ సల్మాన్ ఖాన్ నాలుగు నెల‌ల‌పాటు ఏ సినిమా విడుదల చేయ‌వ‌ద్ద‌ని స్టేట్ మెంట్ ఇచ్చాడు. ఇది నెట్టింట్లో వైర‌ల్ అవుతోంది. అస‌లు విష‌యం ఏమంటే, రాజ‌మౌళి రూపొందించిన `ఆర్.ఆర్.ఆర్.` సినిమా బాలీవుడ్‌లో విడుదల కావ‌డ‌మే ఇందుకు కార‌ణం.
ఆమ‌ధ్య రాజ‌మౌళి ముంబై వెళ్ళి సల్మాన్ ఖాన్‌ను క‌లిసివ‌చ్చాడు. అది పెద్ద వైర‌ల్ అయింది. తాజాగా ఆర్.ఆర్.ఆర్. హిందీ ప్రీరిలీజ్ ముంబైలో చేశారు. ఈ వేడుక కి సల్మాన్ ఖాన్ చీఫ్ గెస్ట్ గా వచ్చి కీలక వ్యాఖ్యలు చేశారు.
సల్మాన్ మాట్లాడుతూ, ఆర్ ఆర్ ఆర్ మూవీ విడుదల అయిన నాలుగు నెలల వరకు ఏ ఇండియా ఫిల్మ్ ను రిలీజ్ చేయడానికి సాహసించకండి అని వ్యాఖ్యానించారు. కరణ్ జోహార్ ఈ ఈవెంట్ కి వ్యాఖ్యాత గా వ్యవహరించగా, రామ్ చరణ్, జూనియర్ ఎన్టీఆర్ లతో పాటుగా అలియా భట్, శ్రియ శరణ్ లు వేడుక కి హాజరు అయ్యారు. వచ్చే ఏడాది జనవరి 7 వ తేదీన సినిమా విడుదల కాబోతోంది.