కార్తికేయ 2 ఆరంభంలోనే ఆగిందా..? నిజమేనా..?

నిఖిల్ కెరీర్లో మరచిపోలేని సినిమా కార్తికేయ. ఈ సినిమా అన్నివర్గాల ప్రేక్షకులను ఆకట్టుకుని మంచి విజయం సాధించింది. ఈ చిత్రాన్ని యువ దర్శకుడు చందు మొండేటి తెరకెక్కించారు. అయితే.. ఈ సినిమాకి సీక్వెల్ తీయాలని అప్పుడే అనుకున్నారు కానీ.. కుదరలేదు. ఆ తర్వాత నిఖిల్, చందు వేరే సినిమాల్లో బిజీ కావడం వలన కుదరలేదు. 

ఈమధ్య నిఖిల్ - చందు కలిసి కార్తికేయ 2 సినిమా చేయాలనుకున్నారు. ఈ క్రేజీ మూవీని పీపుల్ మీడియా ఫ్యాక్టరీ, అభిషేక్ పిక్చర్స్ సంయుక్తంగా నిర్మిస్తున్నాయి. ఇటీవల తిరుపతిలో ఈ సినిమాని గ్రాండ్ లాంచ్ చేయడం కూడా జరిగింది. అయితే.. ఈ సినిమా స్టార్ట్ అయిన కొన్ని రోజుల నుంచే బడ్జెట్ విషయంలో డైరెక్టర్‌కి, చిత్ర నిర్మాతలకు మధ్య డిఫరెన్సస్ వచ్చాయి. అందుచేత ఈ సినిమా ఆరంభంలోనే ఆగింది అంటూ వార్తలు వచ్చాయి. 

అలాగే డైరెక్టర్ వేరే నిర్మాతలకు ఈ సినిమా చేయాలనుకుంటున్నాడని కూడా టాక్ వినిపించింది. అయితే... ప్రచారంలో ఉన్న ఈ వార్తలను ఖండించడం కోసం అనుకుంట.. ఏప్రిల్ నుంచి కార్తికేయ 2 షూటింగ్‌ని మొద‌లుపెట్ట‌డానికి లొకేష‌న్స్ రెక్కీని ప్రారంభించారు ద‌ర్శ‌కుడు చందుమొండేటి, సినిమాటోగ్రాఫ‌ర్ కార్తీక్ ఘ‌ట్ట‌మ‌నేని అంటూ ఫోటోలను సోషల్ మీడియాలో రిలీజ్ చేసారు చిత్ర నిర్మాతలు. 

ఈ థ్రిల్లింగ్ ఎంట‌ర్టైన‌ర్‌కు టీ.జి విశ్వ‌ప్ర‌సాద్, అభిషేక్ అగర్వాల్ నిర్మాత‌లు. ఈ సినిమాపై చందు మొండేటి చాలా ఆశలు పెట్టుకున్నాడు. మరి.. సవ్యసాచితో సక్సెస్ సాధించలేకపోయిన చందు కార్తికేయ 2 సినిమాతో సక్సెస్ సాధించి మళ్లీ సక్సెస్ ట్రాక్‌లోకి వస్తాడని ఆశిద్దాం.