నికీషా పటేల్ పేరు చెప్పగానే పవన్ కళ్యాణ్ నటించిన కొమరం పులి చిత్రం గుర్తొస్తుంది. ఆ చిత్రంలో పవన్‌తో రొమాన్స్ చేసింది నికీషా. ఆ సినిమా కాస్త నిరాశపరచడంతో నికీషాకు పెద్దగా అవకాశాలు రాలేదు. అయితే కొమరం పులిలో నికీషా గ్లామర్ యువతని ఆకట్టుకుంది. అలాగే కొన్ని చిన్న చిత్రాల్లో నటించినా వాటివల్ల నికీషాకు పెద్దగా గుర్తింపు లభించలేదు.
అంతేకాదు కన్నడ, తమిళ భాషల్లో కూడా నికీషా కొన్ని చిత్రాల్లో నటించింది. ఎన్ని సినిమాల్లో నటిస్తున్నా ఆమెకు మాత్రం అవకాశాలు పెద్దగా రావడం లేదట. ముఖ్యంగా హీరోయిన్స్ రోల్స్ రావడం మాత్రం గగనంగా మారిపోయిందట. తెలిసిన దర్సక, నిర్మాతలందరి దగ్గరకు వెళ్ళి ఛాన్సుల కోసం ప్రయత్నించిందట నికీషా. అయితే దర్సకనిర్మాతలు మాత్రం ఆమెకు అవకాశాలు ఇవ్వడం లేదట.
దీంతో వారే తనను వెతుక్కుని వచ్చి అవకాశాలు ఇవ్వాలని నిర్ణయించుకున్న నికీషా బికినీలతో ఫోటోలతో మతిపోగొడుతోంది. ప్రస్తుతం కొన్ని ఫోటోలను తీసి ఆమె తన ఇన్‌స్టాగ్రాంలో పోస్ట్ చేసిందట. ఇవి కాస్తా వైరల్‌గా మారుతున్నాయి. అభిమానులు ఆ ఫోటోలను తెగ చూసేస్తూ నికీషా సూపర్ అనేస్తున్నారట. అభిమానుల సంగతి ఎలా ఉన్నా తనకు మాత్రం అవకాశాలు ఎప్పుడు వస్తాయా అని వేయికళ్ళతో ఎదురుచూస్తోందట నికీషా.