సురేష్ బాబు చేతుల మీదుగా నయనతార ‘అంజలి CBI’ చిత్ర ట్రైలర్

లేడీ సూపర్ స్టార్ నయనతార ప్రధాన పాత్రలో తెరకెక్కిన బ్లాక్ బస్టర్ ఇమైక్క నోడిగల్. ఈ చిత్రాన్ని తెలుగులో అంజలి సిబిఐ పేరుతో అనువదిస్తున్నారు. క్రైమ్ థ్రిల్లర్‌గా ఈ చిత్రం తెరకెక్కుతోంది. ఇందులో నయనతార టైటిల్ రోల్ సి.బి.ఐ ఆఫీసర్ పాత్రలో నటిస్తున్నారు. అజయ్ జ్ఞానముత్తు ఈ చిత్రాన్ని తెరకెక్కిస్తున్నారు. ఈ చిత్ర ట్రైలర్‌ను ప్రముఖ నిర్మాత డి.సురేష్ బాబు విడుదల చేశారు. ట్రైలర్ చాలా బాగుందని.. అంజలి సీబీఐ సినిమా విడుదలకు అల్ ది బెస్ట్ చెప్పారు ఆయన. 

ఈ చిత్రంలో అథ‌ర్వ‌, రాశీఖ‌న్నా కీల‌క పాత్ర‌ల్లో న‌టించ‌గా.. బాలీవుడ్ ద‌ర్శ‌కుడు అనురాగ్ క‌శ్య‌ప్ ప్ర‌తినాయకుడిగా న‌టించారు. ప్ర‌ముఖ హీరో విజ‌య్ సేతుప‌తి విక్ర‌మాదిత్య అనే అతిథి పాత్ర‌లో న‌టించారు. న‌య‌న‌తార భ‌ర్త పాత్ర ఇది. ఈ చిత్రాన్ని క్యామియో ఫిల్మ్స్ బ్యాన‌ర్ సంస్థ‌లో సిజే జ‌య‌కుమార్ నిర్మించారు. 

హిప్ హాప్ త‌మిళ‌న్ ఈ చిత్రానికి సంగీతం అందించగా.. ఆర్ డి రాజ‌శేఖ‌ర్ సినిమాటోగ్ర‌ఫీ అందించారు. తెలుగు అనువాద కార్య‌క్ర‌మాలు వేగంగా జ‌రుగుతున్నాయి. విశ్వ‌శాంతి క్రియేష‌న్స్ బ్యాన‌ర్ పైన తెలుగు హ‌క్కుల‌ను ద‌క్కించుకున్నారు నిర్మాత‌లు సిహెచ్ రాంబాబు, ఆచంట గోపీనాథ్. ఫిబ్ర‌వ‌రి 22న అంజ‌లి సిబిఐ ఆఫీస‌ర్ విడుద‌ల కానుంది.