నాని స్పీడుకు బన్నీ-మహేష్ బెంబేలు.. స్పైడర్‌ వాయిదా పడిందా?

నాని స్పీడుకు స్టార్ హీరోలు సైతం జడుసుకుంటున్నారు. వరుస పెట్టి సినిమాలు చేస్తూ.. మంచి కథలను ఎంచుకుంటూ.. సూపర్ హిట్ కొట్టడంలో ముందుండే నాని స్పీడుకు బ్రేక్ వేయలేకపోతున్నామే అంటూ బన్నీ వంటి హీరోలు కూడా

నాని స్పీడుకు స్టార్ హీరోలు సైతం జడుసుకుంటున్నారు. వరుస పెట్టి సినిమాలు చేస్తూ.. మంచి కథలను ఎంచుకుంటూ.. సూపర్ హిట్ కొట్టడంలో ముందుండే నాని స్పీడుకు బ్రేక్ వేయలేకపోతున్నామే అంటూ బన్నీ వంటి హీరోలు కూడా ఆలోచిస్తున్నారట. ఈ సంవత్సరం తొలుత 'నేను లోకల్' సినిమాతో హిట్‌ను అందుకున్న నాని మరో నాలుగు నెలలు గడవకుండానే తన రెండవ సినిమాను రిలీజ్ చేయడానికి లైన్ క్లియర్ చేసాడు. 

తాజాగా నాని నిన్ను కోరి సినిమాలో నటిస్తున్నాడు. ఈ చిత్రం జూన్ 23వ తేదీని రిలీజ్ కానుంది. ఇదే తేదీన మహేష్ స్పైడర్‌ను ముందుగా రిలీజ్ చేయాలనుకున్నారు. కానీ నాని సినిమా రావడంతో సినిమాను వాయిదా వేసుకున్నట్లు సమాచారం. అయితే అదే తేదీన అల్లుఅర్జున్ 'దువ్వాడ జగన్నాథం' సినిమాను రిలీజ్ చేసేందుకు రంగం సిద్ధమవుతోంది. దీంతో నాని-బన్నీల మధ్య కలెక్షన్ల వార్ ఉంటుందని తెలుస్తోంది. 

ఇకపోతే.. కొత్త దర్శకుడు శివ దర్శకత్వంలో రూపొందిన 'నిన్ను కోరి' సినిమాకు కోన వెంకట్ స్క్రీన్ ప్లే మాటలు సమకూరుస్తుండటం విశేషం. 'జెంటిల్ మన్' బ్యూటీ నివేదా థామస్ మరోసారి నానితో జత కడుతుండగా ఆది పినిశెట్టి మరో కీలక పాత్ర పోషిస్తున్నాడు. ఈ లవ్ స్టోరీ తప్పకుండా యూత్‌కు కనెక్ట్ అవుతుందని సినీ యూనిట్ అంటోంది.