హిట్ కోసం కళ్యాణ్ రామ్ ఎదురుచూపు... "118" కథేంటో?

టాలీవుడ్ హీరోల్లో నందమూరి కళ్యాణ్ రామ్ ఒకరు. ఈయన ఖాతాలో హిట్ పడి కొన్ని నెలలైంది. అపుడెపుడో వచ్చిన "పటాస్" చిత్రం తర్వాత కళ్యాణ్ రామ్‌కు సరైన హిట్ లేదు. ఆ తర్వాత వచ్చిన "నా నువ్వే", "ఎమ్మెల్యే" (మంచి లక్షణాలున్న అబ్బాయి) వంటి చిత్రాలు ఆశించిన స్థాయిలో తృప్తినివ్వలేదు. దీంతో ఈ నందమూరి కేరీర్ ప్రశ్నార్థకంగా మారింది. 

ఈ నేపథ్యంలో కళ్యాణ్ రామ్ ప్రముఖ సినిమాటోగ్రఫర్ కేవీ గుహన్ దర్శకత్వంలో "118" అనే పేరుతో ఓ చిత్రాన్ని చేస్తున్నాడు. ఇప్పటికే ఈ మూవీకి సంబంధించిన షూటింగ్ కూడా పూర్తయింది. ఇందులో హీరోయిన్లుగా నివేదా థామస్, షాలినీ పాండేలు హీరోయిన్లుగా నటిస్తుండగా, ఈస్ట్ కోస్ట్ ప్రొడక్షన్స్ బ్యానర్‌ఫై మహేష్ కోనేరు ఈ సినిమాను తెరకెక్కిస్తున్నారు. తాజాగా ఈ మూవీకి సంబంధించిన టీజర్‌ను డిసెంబర్ 18న విడుదల చేయనున్నట్టు అఫీషియల్‌గా ప్రకటించారు. అయితే, ఈ చిత్ర కథ ఏంటన్నది మాత్రం చాలా గోప్యంగా ఉంచారు.