అందరికీ ఆయన బాలయ్య.. నా ఒక్కడికి ఆయన ముద్దుల మావయ్య

సినీనటుడు, హిందూపురం శాసన సభ్యుడు, యువరత్న బాలకృష్ణ పుట్టినరోజు. ఈ సందర్భంగా ఆయన అల్లుడు నారా లోకేష్ వినూత్నంగా ట్వీట్ చేశారు. ఈ సందర్భంగా లోకేష్ ట్విట్టర్‌లో ''అందరికీ ఆయన బాలయ్య. నా ఒక్కడికీ ఆయన ముద్దుల మావయ్య. రీల్ లైఫ్ లోనే కాదు రియల్ లైఫ్‌లో కూడా తనను నమ్ముకున్న వారికి అండగా నిలిచే కథానాయకుడు ఆయన. 

బాలా మావయ్యకు పుట్టినరోజు శుభాకాంక్షలు మరియు షష్టిపూర్తి మహోత్సవ అభినందనలు. నిన్న బాలా మావయ్య కొత్త సినిమా టీజర్ చూసాను. చాలా ఎనర్జిటిక్ గా కనిపించారు. మావయ్యా... మీరు మరెన్నో చిత్రాల్లో నటించి... మీ అభిమానులకు ఎప్పటిలాగే సంచలన విజయాలను కానుకగా ఇవ్వాలని మనసారా కోరుకుంటున్నాను'' అని ట్వీట్ చేశారు.

మరోవైపు బాలకృష్ణ పుట్టిన రోజును పురస్కరించుకుని బంగారు బుల్లోడు యూనిట్ బాలకృష్ణకు ప్రత్యేక విషెష్ అందజేశారు. హీరోగా వరుస ప్లాప్స్ అందుకుంటున్న అల్లరి నరేష్‌కు మహర్షి చిత్రం పెద్ద బ్రేక్ ఇచ్చింది. ఈ సినిమాలో మహేష్ ఫ్రెండ్ క్యారెక్టర్‌లో నటించి మంచి మార్కులు కొట్టేసాడు. నరేష్ యాక్టింగ్‌కు అందరూ మరోసారి ఫిదా అయ్యారు.

ఇక ఇప్పుడు బంగారు బుల్లోడు సినిమాలో నటిస్తున్నాడు. 'నందిని నర్సింగ్ హోమ్' లాంటి కామెడీ డ్రామాకు దర్శకత్వం వహించిన పీవీ గిరి ఈ సినిమాకు దర్శకత్వం వస్తున్నాడు. ఈ సినిమాలో అల్లరి నరేష్ కు జోడీగా పూజా ఝవేరి నటిస్తోంది. సాయి కార్తీక్ సంగీతం అందిస్తుండగా.. ఎకే ఎంటర్టైన్మెంట్స్ బ్యానర్ పై అనిల్ సుంకర ఈ చిత్రాన్ని నిర్మిస్తున్నారు.