"బంగార్రాజు" నుంచి కొత్త అప్డేట్.. ఏంటది?

Bangarraju

"బంగార్రాజు" నుంచి కొత్త అప్డేట్ వచ్చేసింది. అక్కినేని తండ్రీకొడుకులు నాగార్జున, నాగచైతన్యల క్రేజీ మల్టీస్టారర్ "బంగార్రాజు". కళ్యాణ్ కృష్ణ దర్శకత్వం వహించనున్న ఈ చిత్రంలో నాగార్జున, రమ్యకృష్ణ, నాగ చైతన్య, కృతి శెట్టి ప్రధాన పాత్రలు పోషించబోతున్నారు. 2016లో నాగార్జున నటించిన "సోగ్గాడే చిన్ని నాయన" సినిమాకి "బంగార్రాజు" ప్రీక్వెల్ గా తెరకెక్కుతోంది. ఇందులో రమ్య కృష్ణ, లావణ్య త్రిపాఠి హీరోయిన్లుగా నటించారు. 

ప్రీక్వెల్ "బంగార్రాజు"లో నాగ చైతన్య ప్రేయసిగా కృతి శెట్టి నటించనుంది. దర్శనా బానిక్, అక్షత సోనావానే కీలక పాత్రల్లో నటిస్తున్నారు. అనూప్ రూబెన్స్ సంగీతం సమకూర్చనున్నారు. ఈ చిత్రాన్ని నాగార్జున అన్నపూర్ణ స్టూడియోస్, జీ స్టూడియోస్ బ్యానర్లు సంయుక్తంగా ఈ ప్రాజెక్ట్‌ను నిర్మిస్తున్నాయి.నిన్న రమ్యకృష్ణ పుట్టిన రోజు సందర్భంగా మేకర్స్ ఆమెకు సినిమా నుంచి సర్ ప్రైజ్ గిఫ్ట్ ఇచ్చారు. 

నాగార్జున, రమ్యకృష్ణ కలిసి ఉన్న పోస్టర్‌ను విడుదల చేశారు. ఈ పోస్టర్ లో ఎప్పటిలాగే రమ్యకృష్ణ అందంగా కనిపిస్తుంది. నాగార్జున, రమ్యకృష్ణ మధ్య కెమిస్ట్రీ అద్భుతంగా కనిపిస్తుంది. పంచెకట్టులో నాగార్జున "బంగార్రాజు" లుక్ అదిరిపోయింది. ప్రస్తుతం "బంగార్రాజు" షూటింగ్ రామోజీ ఫిల్మ్ సిటీలో జరుగుతోంది.

Bangarraju