టాలీవుడ్ 'మన్మథుడు' నాగార్జున సరికొత్త గెటప్‌లో కనిపిస్తున్నాడు. ఆయన నటిసున్న తాజా చిత్రం 'రాజు గారి గది 2'. ఈ చిత్రానికి ఓంకార్ దర్శకత్వం వహించారు. ఈ చిత్రం థియేట్రికల్ ట్రైలర్ బుధవారం విడుదలైంది. ఈ
టాలీవుడ్ 'మన్మథుడు' నాగార్జున సరికొత్త గెటప్‌లో కనిపిస్తున్నాడు. ఆయన నటిసున్న తాజా చిత్రం 'రాజు గారి గది 2'. ఈ చిత్రానికి ఓంకార్ దర్శకత్వం వహించారు. ఈ చిత్రం థియేట్రికల్ ట్రైలర్ బుధవారం విడుదలైంది. ఈ ట్రైలర్ రిలీజ్ కార్యక్రమానికి నాగార్జున సరికొత్త గెటప్‌లో కనిపించారు. ఉన్నట్టుండి నాగ్ మీసం లేకుండా కనిపించిన లుక్ వైరల్ కూడా అయింది.
అయితే నాగ్ మీసం తీయడం వెనుక ఉన్న సీక్రెట్ ఏంటని ఆరాలు తీశారు. ఈ పరిశోధనలో తెలిసిందేమంటే వెయ్యి కోట్ల రూపాయల బడ్జెట్‌తో తెరకెక్కనున్న 'మహాభారతం' కోసం నాగ్ ఇలా చేశాడని చెబుతున్నారు. మహాభారతంలో నాగార్జున కర్ణుడి పాత్ర చేయబోతున్నాడని ఆ మధ్య పుకార్లు షికారు చేశాయి.
ఈ క్రమంలో నాగ్ కర్ణుడి మేకప్ టేస్ట్ కోసం తీసి ఉంటారని పలువురు ముచ్చటించుకుంటున్నారు. మహాభారతం చిత్రం వచ్చే యేడాది శ్రీ కుమార్ మీనన్ దర్శకత్వంలో తెరకెక్కనుండగా, ఈ చిత్రాన్ని బి.ఆర్. శెట్టి నిర్మించనున్నాడు. మలయాళ మెగాస్టార్ మోహన్ లాల్ ఈ చిత్రంలో ముఖ్య పాత్ర పోషించనున్న విషయం తెల్సిందే.