ఇద్దరికీ ఇష్టమైతే విడాకులు తీసుకోమని సలహా ఇచ్చా : నాగార్జున

టాలీవుడ్ క్యూట్ కపుల్స్‌గా గుర్తింపు పొందిన అక్కినేని నాగ చైతన్య, హీరోయిన్ సమంతలు విడాకుల అంశం తెలుగు చిత్రపరిశ్రమలో పెను చర్చనీయాంశమైంది. ఈ అంశంపై సీనియర్ హీరో అక్కినేని నాగార్జున తొలిసారి స్పందించారు. ఆయన ఓ బాలీవుడ్ మీడియాకు ఇచ్చిన ఇంటర్వ్యూలో మాట్లాడుతూ, ముందు సమంతనే విడాకులు కోరారని చెప్పారు. ఆమె ఉన్నట్టుండి ఎలా ఎందుకు అడిగారో చైతన్యకు అర్థంకాలేదన్నారు. పైగా, ఆమె ఒత్తిడి చేయడంతో సమంత నిర్ణయాన్ని అంగీకరించక తప్పలేదన్నారు. 

అయితే, ఈ విడాకుల వల్ల తమ తండ్రి ఎంతగా కుమిలిపోతాడో.. తమ కుటుంబ పరువు ఏమైపోతుందోనని నాగ చైతన్య ఆలోచించాడనీ, కానీ, ఇద్దరికీ ఇష్టమైతే విడాకులు తీసుకోవాలని తాను సలహా ఇచ్చానని చెప్పారు. 2021 కొత్త సంవత్సర వేడుకలను వారిద్దరూ కలిసి జరుపుకున్నారని, ఇంతలోనే వారిద్దరి మధ్య ఏం జరిగిందో తనకు తెలియదని చెప్పారు.