స్టైలీష్ స్టార్ అల్లు అర్జున్ నటిస్తున్న తాజా చిత్రం పుష్ప. ఈ చిత్రానికి క్రియేటీవ్ డైరెక్టర్ సుకుమార్ దర్శకత్వం వహిస్తున్నారు. ఇందులో బన్నీ సరసన క్రేజీ హీరోయిన్ రష్మిక నటించనుంది. కరోనా కారణంగా ఆగిన ఈ మూవీ షూటింగ్ వచ్చే నెల నుంచి ప్రారంభం కానుంది. బన్నీ, సుక్కు కాంబినేషన్లో రూపొందిన ఆర్య, ఆర్య 2 సినిమాలు సక్సస్ సాధించడంతో హ్యాట్రిక్ మూవీ గురించి అభిమానులు ఎంతో ఆసక్తిగా ఎదురు చూస్తున్నారు.
ఇదిలా ఉంటే.. మెగా బ్రదర్ నాగబాబు పుట్టినరోజు సందర్భంగా మెగా హీరోలంతా శుభాకాంక్షలు చెప్పారు. అల్లు అర్జున్ కూడా నాగబాబును తన ఫేవరెట్ పర్సన్ అంటూ విష్ చేశారు. దీనికి నాగబాబు బన్నీకి థ్యాంక్స్ చెబుతూ పుష్ప సినిమా కోసం ఎదురుచూస్తున్నాను. సిల్వర్ స్క్రీన్ మీద పుష్పగా నువ్వు చేసే అలకల్లోలం చూడాలనుకుంటున్నానని అన్నారు.
పుష్ప సినిమా అప్డేట్ ఎప్పుడు వస్తుందా అని వెయిట్ చేస్తున్న అభిమానులకు నాగబాబు ఇలా స్పందించడంతో హ్యాపీగా ఫీలవుతున్నారు. నాగబాబు అలా అనడంతో సినిమాలో బన్నీ పెర్ఫార్మెన్స్ పీక్స్ అన్నమాట అంటూ సందడి చేస్తున్నారు.
ప్రముఖ నిర్మాణ సంస్థ మైత్రీ మూవీ మేకర్స్ నిర్మించే ఈ సినిమాకి రాక్ స్టార్ దేవిశ్రీప్రసాద్ సంగీతం అందిస్తున్నారు.