నటనతో ప్రేక్షకులను ఎప్పటికప్పుడు ఫిదా చేసే సాయిపల్లవి.. మళ్లీ శేఖర్ కమ్ముల దర్శకత్వంలో సినిమా చేయనుంది. శేఖర్ కమ్ముల లవ్‌స్టోరీ పేరిట కొత్త సినిమా తీస్తున్నారు. ఇందులో సాయిపల్లవికి జోడీగా రొమాంటిక్ ఫ్యామిలీ హీరో అక్కినేని నాగచైతన్య నటిస్తున్నారు. ఈ ఇద్దరి జంటతో సినిమా మొత్తం లవ్‌ని పండిస్తారని ఫిలిమ్ నగర్ వర్గాల్లో టాక్ వినిపిస్తోంది.
ఇప్పటికే ఆనంద్, లైఫ్ ఈజ్ బ్యూటిఫుల్, హ్యాపీ డేస్, ఫిదా మూవీస్ ద్వారా ప్రేమ కథలను ప్రేక్షకులకు అందించిన శేఖర్ కమ్ముల లవ్ స్టోరీ అంటూ ప్రస్తుతం ముందుకు వచ్చేస్తున్నాడు. ఇక ఈ సినిమాలో నాగచైతన్య తెలంగాణ యాసలో మాట్లాడటం విశేషం.
ఈ సినిమాలో ప్రేమ, ఆప్యాయత, అనుబంధాలన్నీ వుంటాయని సమాచారం. ఫిదా లాంటి బ్లాక్ బస్టర్ హిట్ తరువాత శేఖర్ కమ్ముల నుంచి వస్తున్న లవ్ స్టోరీపై భారీ అంచనాలే ఉన్నాయి. ఈ సినిమా కొత్త సంవత్సరం సందర్భంగా ప్రేక్షకుల ముందుకు రానుంది.