తెలుగు బిగ్గెస్ట్ రియాలిటీ షో బిగ్ బాస్ సీజన్-4లో అడుగు పెట్టి సూపర్ క్రేజ్ సంపాదించుకుంది మోనాల్ గజ్జర్. ఈ షో తర్వాత మోనాల్కు వరుస సినిమా ఆఫర్లు వరిస్తున్నారు. ప్రస్తుతం టీవీ షోలతో కూడా బిజీ బిజీగా గడుపుతోంది. తాజాగా ఈ భామ కింగ్ నాగార్జున కోసం రంభలా మారబోతోంది.
అసలు విషయం ఏంటంటే.. నాగార్జున నటించిన బ్లాక్ బస్టర్ చిత్రం `సోగ్గాడే చిన్నినాయన`కు ప్రీక్వెల్గా బంగార్రాజును తెరకెక్కబోతున్న సంగతి తెలిసిందే. కళ్యాణ్ కృష్ణ దర్శకత్వం వహిస్తున్న ఈ చిత్రం త్వరలోనే సెట్స్ మీదకు వెళ్లనుంది.
అయితే ఈ చిత్రంలో మోనాల్ ఓ కీలక పాత్ర పోషించబోతోందట. బంగార్రాజు సినిమాలో సుదీర్ఘమైన స్వర్గం ఎపిసోడ్ ఉంటుంది. ఆ ఎపిసోడ్లో మోనాల్ రంభగా కనిపించనుందని తెలుస్తోంది. అంతేకాదు, నాగ్కు, ఆమెకు మధ్య ఆ అదిరిపోయే సాంగ్ కూడా ఉంటుందని ప్రచారం జరుగుతోంది. మరి దేవలోక రంభగా మోనాల్ ఏ మేరకు ఆకట్టుకుంటుందో చూడాలి.