ఆ కళాకృతిలోనే అతని రాజసం - వ్యక్తిత్వం ఉట్టిపడుతోంది... చిరంజీవి

మెగాస్టార్ చిరంజీవి తన 65వ పుట్టిన రోజు వేడుకను శనివారం ఘనంగా జరుపుకున్నారు. ఈ సందర్భంగా అనేక మంది సినీ, రాజకీయ ప్రముఖులు చిరంజీవికి శుభాకాంక్షలు తెలిపారు. ఇలాంటి వారిలో కలెక్షన్ కింగ్ మోహన్ బాబు కూడా ఉన్నారు. అలాగే, తనకు జన్మదిన శుభాకాంక్షలు తెలిపిన ప్రతి ఒక్కరికీ చిరంజీవి పేరు పేరునా కృతజ్ఞతలు తెలిపారు. 

అయితే, నటుడు మోహన్ బాబు తన మిత్రుడు చిరంజీవికి బర్త్ డే గిఫ్ట్ పంపిన విషయం ఆదివారం వెల్లడైంది. చిరంజీవి, మోహన్ బాబు ఇండస్ట్రీలో బెస్ట్ ఫ్రెండ్స్ అన్న సంగతి తెలిసిందే.

ఈ క్రమంలో చిరంజీవి తనకు మోహన్ బాబు ఇచ్చిన కానుకను ట్విట్టర్‌లో ప్రదర్శించారు. అది చెక్కతో చేసిన హార్లే డేవిడ్సన్ బైక్ నమూనా. దీనిపై మెగాస్టార్ హర్షం వ్యక్తం చేశారు. 

"నా చిరకాల మిత్రుడు తొలిసారిగా నా పుట్టినరోజు నాడు ఓ కళాకృతిని కానుకగా పంపాడు. ఆ కానుకలో అతని రాజసం, వ్యక్తిత్వం ఉట్టిపడుతున్నాయి... థాంక్యూ మోహన్ బాబు" అంటూ చిరంజీవి ట్వీట్ చేశారు.

నా చిరకాల మిత్రుడు, తొలిసారిగా నా పుట్టిన రోజునాడు, ఓ కళాకృతిని కానుకగా పంపాడు. ఆ కానుకలో అతని రాజసం, వ్యక్తిత్వం ఉట్టిపడుతున్నాయి... ... ... Thank you @themohanbabu