‘మీరంతా గర్వించేలా.. 'ఇదిరా! చిరంజీవి' అనేలా 'ఖైదీ' ఉంటుంది : చిరంజీవి

మెగాస్టార్ చిరంజీవి నటిస్తున్న తాజా చిత్రం "ఖైదీ నంబర్ 150". ఇది మెగాస్టార్ 150వ చిత్రం. ఆయన తనయుడు రామ్ చరణ్ నిర్మాత కాగా, వివి వినాయక్ దర్శకుడు. కాజల్ అగర్వాల్ కథానాయిక. ఈ చిత్రం సంక్రాంతికి ప్రేక్ష

మెగాస్టార్ చిరంజీవి నటిస్తున్న తాజా చిత్రం "ఖైదీ నంబర్ 150". ఇది మెగాస్టార్ 150వ చిత్రం. ఆయన తనయుడు రామ్ చరణ్ నిర్మాత కాగా, వివి వినాయక్ దర్శకుడు. కాజల్ అగర్వాల్ కథానాయిక. ఈ చిత్రం సంక్రాంతికి ప్రేక్షకుల ముందుకురానుంది. ఇదిలావుంటే మూవీ ఆర్టిస్ట్స్ అసోసియేషన్ 2017 సంవత్సరం కోసం రూపొందించిన డైరీని చిరంజీవి ఆవిష్కరించారు. 

హైదరాబాద్‌ జూబ్లీహిల్స్‌లోని తన నివాసంలో జరిగిన ఈ కార్యక్రమంలో చిరంజీవి మాట్లాడుతూ... ‘ఈ చిత్రంతో తిరిగి వస్తున్నందుకు తమ్ముళ్లు 150 గులాబీలు ఉన్న పుష్పగుచ్ఛం ఇచ్చి ఉత్సాహపరచడం సంతోషంగా ఉంది. నా తమ్ముళ్ల చూపిస్తున్న ప్రేమ మురిపిస్తోంది. కళామతల్లి ముద్దుబిడ్డలుగా నాపై ప్రేమ కురిపిస్తున్నందుకు మైమరచిపోతున్నాను. 

ఈ చిత్రం ప్రతి ఒక్కరినీ అలరించే చిత్రమవుతుంది. ‘మా’ అధ్యక్షుడు రాజేంద్రప్రసాద్, ప్రధాన కార్యదర్శి శివాజీరాజా ఆధ్వర్యంలోని టీమ్ అందరూ మెచ్చుకునేలా ‘మా’ని నడిపిస్తున్నారు. ‘మా’ అసోసియేషన్ ఫౌండర్ అధ్యక్షుడిగా వారిని ప్రత్యేకించి అభినందిస్తున్నాను. అందరికీ, క్రిస్మస్, నూతన సంవత్సర శుభాకాంక్షలు’. చివరగా ఓ మాట చెపుతున్నా... ‘మీరంతా గర్వించేలా.. 'ఇదిరా! చిరంజీవి'.. అనేలా ఖైదీ నంబర్ 150 సినిమా ఇస్తాను. ది బెస్ట్ పెర్ఫామెన్స్‌ని ఇస్తాను’ అని చిరంజీవి అన్నారు.