ఇటు టాలీవుడ్ లోను, అటు బాలీవుడ్‌లోను బ‌యోపిక్‌‍ల ట్రెండ్ న‌డుస్తున్న విష‌యం తెలిసిందే. అందుక‌నే హీరోలు, నిర్మాత‌లు, ద‌ర్శ‌కులు బ‌యోపిక్‌లను తెర‌కెక్కిచేందుకు ఆస‌క్తి చూపిస్తున్నారు. ఇక అస‌లు విష‌యానికి వ‌స్తే... మెగాస్టార్ చిరంజీవి బ‌యోపిక్ తీయాల‌ని ప్లాన్ జ‌రుగుతుంద‌ట. ఈ విష‌యాన్ని స్వ‌యంగా మెగా హీరో వ‌రుణ్ తేజ్ బ‌య‌ట‌పెట్ట‌డం విశేషం.
అవును... చిరు బ‌యోపిక్ తెర‌కెక్కించాల‌ని ఓ ద‌ర్శ‌కుడు ప్లాన్ చేస్తున్నాడ‌ట. ఇంత‌కీ ఎవ‌రా ద‌ర్శ‌కుడు అంటారా..? టాలెంటెడ్ డైరెక్ట‌ర్ హ‌రీష్ శంక‌ర్. ఇటీవ‌ల ఈ విష‌యాన్ని వాల్మీకి షూటింగ్ గ్యాప్‌లో హ‌రీష్ శంక‌ర్.. వ‌రుణ్ తేజ్‌తో చెప్పాడ‌ట. చిరంజీవి పాత్ర‌ను రామ చ‌ర‌ణ్ పోషిస్తే బాగుంటుంద‌ని వ‌రుణ్ తేజ్ ఓ ఇంట‌ర్ వ్యూలో చెప్పారు.
ఈ వార్త బ‌య‌ట‌కు వ‌చ్చిన‌ప్ప‌టి నుంచి అభిమానులు చిరు బ‌యోపిక్ ఎంత త్వ‌ర‌గా వ‌స్తే అంత మంచిది అంటూ ఆనందం వ్య‌క్తం చేస్తున్నారు.
సామాన్య స్థాయి నుంచి అసామాన్య స్ధాయికి ఎదిగిన చిరంజీవి జీవిత చ‌రిత్ర చాలా మందికి స్ఫూర్తిగా ఉంటుంది. కాబ‌ట్టి ఈ క‌థ‌లో క‌మ‌ర్షియ‌ల్ సినిమాకి కావాల్సిన అన్ని అంశాలు ఉన్నాయి. చిరు బ‌యోపిక్ అంటే చిరు ఎలా స్పందిస్తారో..? రామ‌చ‌ర‌ణ్ ఎలా స్పందిస్తారో తెలియాల్సివుంది.