సూపర్ స్టార్ మహేష్ బాబు - మాటల మాంత్రికుడు త్రివిక్రమ్ శ్రీనివాస్ కాంబినేషన్లో రూపొందిన చిత్రాలు అతడు, ఖలేజా. ఈ రెండు చిత్రాలు అటు మహేష్ బాబుకి ఇటు త్రివిక్రమ్‌కి మంచి పేరు తీసుకువచ్చాయి. ఈ రెండు సినిమాలు చేస్తున్న టైమ్‌లో వీరిద్దరి మధ్య మంచి అనుబంధం ఏర్పడింది. దీంతో వీరిద్దరూ కలిసి మరో సినిమా చేయాలనుకున్నారు కానీ.. ఇప్పటివరకు సెట్ కాలేదు.
దీంతో వీరిద్దరి మధ్య గొడవ జరిగిందని.. అందుకే సినిమా చేయడం లేదని టాక్ వచ్చింది. రీసెంట్‌గా మహేష్ - త్రివిక్రమ్ సినిమా చేయనున్నారని టాక్ వచ్చింది. అయితే.. వీరిద్దరూ కలిసి సినిమా చేయడానికి ఓకే కానీ.. ప్రస్తుతం మహేష్ సర్కారు వారి పాట సినిమా చేస్తున్నాడు కాబట్టి ఇప్పట్లో త్రివిక్రమ్‌తో సినిమా ఉండకపోవచ్చు అనుకున్నారు.
ఇదిలా ఉంటే.. మహేష్ - త్రివిక్రమ్ కాంబినేషన్లో రూపొందిన ఖలేజా చిత్రం నేటికి సరిగ్గా 10 ఏళ్లు పూర్తి చేసుకుంది. ఈ సందర్భంగా మహేష్ బాబు స్పందిస్తూ... ఖలేజా సినిమా జ్ఞాపకాలను నెమరవేసుకున్నారు. అంతేకాకుండా.. అతి త్వరలో ప్రారంభం కానున్న మన నెక్ట్స్ సినిమా కోసం ఎదురుచూస్తున్నాను అంటూ మహేష్ బాబు త్రివిక్రమ్‌తో సినిమా కోసం హింట్ ఇచ్చాడు.
మహేష్ ట్వీట్‌తో త్రివిక్రమ్‌తో సినిమా కన్ఫర్మ్ అని తెలిసింది. మరి.. ఎప్పుడు ప్రకటిస్తారో...? ఈ క్రేజీ కాంబినేషన్లో మూవీని ఎవరు నిర్మిస్తారో చూడాలి.