సూపర్ స్టార్ మహేష్ బాబు న‌టిస్తోన్న తాజా చిత్రం స‌రిలేరు నీకెవ్వ‌రు. అనిల్ రావిపూడి ద‌ర్శ‌క‌త్వంలో రూపొందుతోన్న ఈ సినిమాని అనిల్ సుంక‌ర నిర్మిస్తున్నారు. వ‌రుసగా విజ‌యాలు సాధిస్తోన్న అనిల్ రావిపూడి ద‌ర్శ‌క‌త్వంలో మహేష్ సినిమా అని ఎనౌన్స్ చేసిన‌ప్ప‌టి నుంచి క‌థ ఏంటి.? మహేష్ ని ఏ పాత్రలో చూపించ‌నున్నాడు అనే ఆస‌క్తి ఏర్ప‌డింది.
ఈ సినిమాలో ఆర్మీ ఆఫీసర్‌గా మహేష్ బాబు కనిపించనున్నాడనే టాక్ చాలా రోజుల క్రితమే బయటికి వచ్చింది. రీసెంట్ గా షూటింగ్ స్పాట్ నుంచి మహేష్ బాబు లుక్ ఒకటి బయటికి వచ్చింది. ఇదిలా ఉంటే... చిత్ర ద‌ర్శ‌కుడు అనిల్ రావిపూడి ట్విట్ట‌ర్ లో స్పందిస్తూ... ఈ సినిమాలో మహేష్ బాబు మేజర్ అజయ్ కృష్ణ పాత్రలో కనిపించనున్నాడు. కశ్మీర్లో ఆపరేషన్ స్టార్ట్ అయిందంటూ, షూటింగ్ మొదలైందనే విషయం చెప్పాడు.
అంతే కాకుండా మహేష్ పాత్ర పేరు తెలిసేలా ఓ ఫోటోను రిలీజ్ చేసారు. అలాగే వచ్చే సంక్రాంతికి ఈ సినిమాను విడుదల చేయనున్న విషయాన్ని స్పష్టం చేశాడు. మ‌రి...ఈ సంక్రాంతికి ఎలాంటి సెన్సేష‌న్ క్రియేట్ చేస్తారో చూడాలి.