అమిత్ తివారీ, భానుశ్రీ, నాజర్, తనికెళ్ల భరణి, అజయ్ ఘోష్, కాలకేయ ప్రభాకర్ ప్రధాన పాత్రల్లో నటిస్తున్న చిత్రం `నల్లమల`. నల్లమల అడవి చుట్టూ జరిగిన ఎన్నో చీకటి కోణాలను, సామాన్య జనానికి తెలియని అవినీతి ఒప్పందాల నేప‌థ్యంలో ఆస‌క్తిక‌ర క‌థా క‌థ‌నాల‌తో తెర‌కెక్కిన ఈ చిత్రానికి ఆర్.ఎమ్ నిర్మాత. ఈ మూవీలోని సిద్ శ్రీ‌రామ్ పాడిన ఏమున్న‌వే పిల్లా సాంగ్ మిలియ‌న్స్ కి పైగా వ్యూస్ సాధించి సోష‌ల్ మీడియాలో సెన్సేష‌న్ క్రియేట్ చేసింది. ఇప్ప‌టికే విడుద‌లైన టీజ‌ర్‌, అన్ని పాట‌ల‌కి విశేష స్పంద‌న ల‌భించింది. తాజాగా ఈ చిత్రంలోని `మ‌న్నిస్తారా మూగ‌జీవులారా` పాట‌ను ద‌ర్శ‌కేంద్రుడు కే.రాఘ‌వేంద్ర‌రావు విడుద‌ల‌చేశారు. ఈ సంద‌ర్భంగా
ద‌ర్శ‌కేంద్రుడు మాట్లాడుతూ - ``ద‌ర్శ‌కుడు రవిచరణ్ మ‌న్నిస్తారా పాట‌ను చాలా బాగా చిత్రీక‌రించాడు. అప్పుడ‌ప్పుడు నల్లమల సినిమా ప్రోమోస్ చూస్తుంటాను. కొత్త బ్యాక్‌డ్రాప్‌లో చాలా ఇంట్రెస్టింగ్ గా తీశారు ఎవ‌రా అని వాక‌బు చేస్తే ఈ బ్యాన‌ర్ గురించి తెలిసింది. మ‌న్నిస్తారా మూగ‌జీవులారా పాట ప్ర‌తి లైన్ విని అర్ధం చేసుకుంటే హృద‌యం ద్ర‌విస్తుంది. జంతువుల ప‌ట్ల ఎంత అమానుషంగా ఉంటున్నామో తెలుస్తుంది. ఇలాంటి స‌బ్జెక్ట్ సెల‌క్ట్ చేసుకున్న నల్లమల టీమ్ ను మ‌న‌స్పూర్తిగా అభినందిస్తున్నాను`` అన్నారు.