నాగశౌర్య సినిమా లక్ష్య ఓటీటీలో విడుదల కానుంది. కేతిక శర్మ హీరోయిన్‌గా నటించింది. డిసెంబర్ 10న విడుదల అయిన ‘లక్ష్య’ మూవీకి యవరేజ్ టాక్ అయితే వచ్చింది కానీ కలెక్షన్స్ మాత్రం చాలా దారుణంగా నమోదవడంతో బాక్సాఫీస్ దగ్గర డిజాస్టర్‌గా మిగిలింది.
ఈ చిత్రంలో నాగశౌర్య సరికొత్త పాత్రలో కనిపించారు. ఎయిట్ ఫ్యాక్ బాడీతో నాగశౌర్య అదరగొట్టాడు. ఈ మూవీకి సంతోష్ జాగర్లపూడి దర్శకత్వం వహించారు. వెంకటేశ్వర సినిమాస్, నార్త్ స్టార్ ఎంటర్టైన్మెంట్స్ సంస్థలు సంయుక్తంగా ఈ మూవీని నిర్మించారు.
ఈ నేపథ్యంలో లక్ష్య సినిమా వరల్డ్ డిజిటల్ ప్రీమియర్‌గా ప్రేక్షకుల ముందుకు రానుంది. ఈ మూవీ డిజిటల్ రైట్స్‌ను ఆహా వీడియో సొంతం చేసుకుంది. ‘లక్ష్య’ మూవీ జనవరి 7 వ తేదీన ఆహా వీడియోలో స్ట్రీమింగ్ చేసేందుకు ఏర్పాట్లు చేస్తున్నట్లు ఆహా అధికారికంగా ప్రకటించింది.