భరత్ శాటిలైట్ రైట్స్ అదుర్స్.. గడ్డంతో మహేష్ బాబు లుక్ లీక్

టాలీవుడ్ ప్రిన్స్ మహేష్ బాబు హీరోగా, కైరా అద్వానీ హీరోయిన్‌గా నటించిన ''భరత్ అనే నేను'' సినిమా మంచి బిజినెస్‌ రాబట్టింది. మరోవైపు కలెక్షన్ల వర్షం కురిపిస్తోంది. కొరటాల దర్శకత్వంలో రూపుదిద్దుకున్న ఈ సి

టాలీవుడ్ ప్రిన్స్ మహేష్ బాబు హీరోగా, కైరా అద్వానీ హీరోయిన్‌గా నటించిన ''భరత్ అనే నేను'' సినిమా మంచి బిజినెస్‌ రాబట్టింది. మరోవైపు కలెక్షన్ల వర్షం కురిపిస్తోంది. కొరటాల దర్శకత్వంలో రూపుదిద్దుకున్న ఈ సినిమా ఓవర్సీస్‌ల్లో అదిరే వసూళ్లను కొల్లగొట్టింది. తాజాగా ఈ సినిమా శాటిలైట్ రైట్స్‌ ద్వారా రికార్డు సృష్టించింది. భారీ మొత్తంలో శాటిలైట్ రైట్స్ సొంతం చేసుకున్న రెండో తెలుగు సినిమాగా భరత్ అనే నేను నిలిచింది. 

ఈ ఏడాది (2018)లో అత్యధిక మొత్తాన్ని శాటిలైట్ రైట్స్‌గా సంపాదించుకున్న సినిమాగా భరత్ అనే నేను నిలిచింది. కాగా భరత్ అనే నేను శాటిలైట్ రైట్స్ రూ.22 కోట్లకు పలికింది. దీంతో భరత్ అనే నేను నాన్ బాహుబలి (శాటిలైట్ రైట్స్ రూ.51కోట్లు) రికార్డులన్నింటికీ బద్దలు కొట్టినట్లయింది. 

ఇకపోతే.. భరత్ అనే నేను సినిమాకు తర్వాత మహేష్ చేస్తున్న కొత్త సినిమా కోసం ఫిజిక్‌ను సిద్ధం చేసుకుంటున్నారు. మహేష్ కొత్త లుక్ ప్రస్తుతం లీక్ అయ్యింది. దీనికి సంబంధించిన వీడియో సోషల్ మీడియాలో వైరల్ అవుతోంది. మహేష్ గడ్డంతో ఈ సినిమాలో నటిస్తున్నారని వార్తలొచ్చాయి. 

ఈ వార్తలను నిజం చేసే దిశగా.. మహేష్ బాబు లుక్‌తో కూడిన తాజా వీడియోను 'మహేష్ బాబు ఫ్యాన్స్ క్లబ్' తన ట్విట్టర్ ఖాతాలో పంచుకోగా.. అది కాస్త వైరల్ అవుతోంది. మామూలుగానే అందంగా కనిపించే మహేష్, ఈ తాజా లుక్‌లో గడ్డంతో క్యూట్‌గా కనిపిస్తున్నాడు.