తమిళ చిత్ర సీమలో విషాదం చోటుచేసుకుంది. సన్ మ్యూజిక్ ఆరంభంలో అత్యంత ప్రజాదరణ పొందిన వీజే, నటుడు ఆనంద కణ్ణన్ సోమవారం రాత్రి మృతి చెందారు. ఈయన గత కొన్నేళ్లుగా క్యాన్సర్‌తో బాధపడుతూ వచ్చారు. ఈ విషయాన్ని తమిళ్ డైరెక్టర్ వెంకట్ ప్రభు తన ట్విట్టర్ ఖాతా ద్వారా వెల్లడించారు.
సింగపూర్ తమిళియన్ అయిన ఆనంద 90వ దశకంలో కోలీవుడ్ ప్రేక్షకులకు ఫేవరెట్ నటుడు. సన్ టీవీ సిరీస్ సింధ్బాద్లో లీడ్ రోల్ ద్వారా పిల్లలకు, యువతను ఆకట్టుకున్నారు. అయితే, వారం క్రితం హఠాత్తుగా ఆరోగ్యం విషమించడంతో ఆయన చెన్నైలోని ఓ ప్రైవేటు ఆసుపత్రికి తరలించగా.. చికిత్స పొందుతూ కన్నుమూశాడు. ఆనంద్ కణ్ణన్ మృతితో తమిళ చిత్ర పరిశ్రమ దిగ్భ్రాంతి వ్యక్తం చేసింది.