'కిల్లింగ్ వీరప్పన్' ట్రైలర్‌ను విడుదల చేసిన రాంగోపాల్ వర్మ

తెలుగు, కన్నడ భాషలలో 'కిల్లింగ్ వీరప్పన్' అనే చిత్రాన్ని తెరకెక్కించిన వర్మ, హిందీలో ''వీరప్పన్'' అనే టైటిల్‌తో చిత్రాన్ని తెరకెక్కిస్తున్నారు. 'కిల్లింగ్ వీరప్పన్‌'కు ఈ చిత్రం రీమేక్, డబ్బింగ్ కాదంటూ వర్మ తెలిపారు. గంధపు చెక్కల స్మగ్లర్ వీరప్పన్ జీవిత నేపథ్యంతో ఈ చిత్రం రూపొందుతోంది. సందీప్ భరద్వాజ్, సచిన్ జోషి, ఉషా జాదవ్, లిసా రాయ్‌లు ఈ చిత్రంలో ముఖ్యపాత్రలు పోషించారు. 

తెలుగు, తమిళం, కన్నడ భాషలలో 'కిల్లింగ్ వీరప్పన్' అనే టైటిల్‌తో వీరప్పన్ జీవిత కథను తెరకెక్కించిన వర్మ, బాలీవుడ్ చిత్రం ద్వారా వీరప్పన్ ఎలా చనిపోయాడనేది చూపించబోతున్నట్టు వార్తలు వెలువడుతున్నాయి. మే 27న ఈ చిత్రం థియేటర్ల వద్దకు రానుండగా, తాజాగా ఓ ట్రైలర్‌ను విడుదల చేశారు. తన ట్విట్టర్‌ ఖాతా ద్వారా వర్మ ఈ విషయాన్ని తెలుపుతూ... వీడియోను అభిమానులతో పంచుకున్నారు. ఈ చిత్రాన్ని ఇది వరకే తెలుగు, కన్నడ, తమిళ భాషల్లో 'కిల్లింగ్‌ వీరప్పన్' టైటిల్‌తో విడుదల చేసిన సంగతి తెలిసిందే.