బాలీవుడ్ హీరోయిన్ కియారా అద్వానీ గుడ్ న్యూస్ చెప్పింది. కియారా తన ఇన్‌స్టాగ్రామ్ ఖాతాలో పాప సాక్స్ ఫోటోను పోస్ట్ చేస్తూ ఈ శుభవార్తను పంచుకున్నారు. అలాగే "మా జీవితానికి సంబంధించిన అద్భుతమైన బహుమతి త్వరలోనే రానుంది" అంటూ రాసుకొచ్చింది.
కియారా-సిద్ధార్థ్ తొలిసారి లస్ట్ స్టోరీస్ సినిమా ముగింపు పార్టీలో కలిశారు. ఈ పరిచయం మొదట స్నేహంగా, ఆ తర్వాత క్రమంగా ప్రేమగా మారింది. షేర్షా సినిమా సెట్స్‌లో వారిద్దరూ ప్రేమలో పడ్డారు. వీరిద్దరి వివాహం ఫిబ్రవరి 7, 2023న రాజస్థాన్‌లో చాలా వైభవంగా జరిగింది.
ఇటీవలే రెండో వివాహ వార్షికోత్సవాన్ని జరుపుకున్నారు. ఈ నేపథ్యంలో తాను తల్లి కాబోతున్న విషయాన్ని కియారా సోషల్ మీడియా ద్వారా వెల్లడించింది. ఈ విషయం తెలుసుకున్న ఆమె ఫ్యాన్స్ సంబరాలు చేసుకుంటున్నారు. ఇంకా కియారాకు సెలెబ్రిటీలు ఆమెకు శుభాకాంక్షలు తెలియజేస్తున్నారు.
బాలీవుడ్ నటుడైన సిద్ధార్థ్ తదుపరి నటి జాన్వీ కపూర్‌తో కలిసి పరమ సుందరిలో కనిపించనున్నారు. వీరిద్దరూ కేరళ షెడ్యూల్‌ను ముగించారు. డిసెంబర్ 2024లో, మాడాక్ ఫిల్మ్స్ ఈ చిత్రాన్ని ప్రకటించి, పరమ సుందరి ఫస్ట్ లుక్‌ను షేర్ చేసింది. ఈ చిత్రానికి తుషార్ జలోటా దర్శకత్వం వహించారు.
ఈ చిత్రంలో సిద్ధార్థ్ పరమ్‌గా, జాన్వీ కపూర్ సుందరిగా నటించారు. ఈ చిత్రం కేరళలోని సుందరమైన బ్యాక్ వాటర్స్ నేపథ్యంలో తెరకెక్కనుంది. ఈ రొమాంటిక్ కామెడీ ఊహించని మలుపులతో కూడిన రోలర్ కోస్టర్‌గా ఈ మూవీ ఉంటుందని హామీ ఇస్తుంది.
Kiara Advani
అలాగే కియారా చివరిసారిగా రామ్ చరణ్ నటించిన "గేమ్ ఛేంజర్"లో కనిపించింది. ఆమె తదుపరి యష్ నటించిన పీరియాడికల్ గ్యాంగ్‌స్టర్ చిత్రం "టాక్సిక్: ఎ ఫెయిరీ టేల్ ఫర్ గ్రోన్-అప్స్"లో కనిపించనుంది. ఈ చిత్రానికి గీతు మోహన్‌దాస్ దర్శకత్వం వహిస్తున్నారు. ఆమె హృతిక్ రోషన్, జూనియర్ ఎన్టీఆర్‌లతో "వార్ 2" కూడా నటిస్తోంది.